«Жеңістің 80 игі ісі» челленджі аясында атқарылған жұмыс.
Ұлы Отан соғысының 80 жылдығына орай М.М. Катаев атындағы оқушылар сарайының ұйымдастыруымен “Жеңістің 80 игі ісі” атты республикалық челленджге мектебіміздің оқушылары белсене қатысты.
Ізгілікке толы бұл бастама аясында оқушылар Ұлы Отан соғысының ардагері Хасенов Қайыр атамыздың үйіне барып, ауланы тазарту, көгалдандыру және тұрмыстық көмектер көрсету жұмыстарын атқарды. Бұл — тек еңбек қана емес, тарихқа тағзым, батырға құрмет көрсету болды.
Аталар ерлігі ұмытылмайды. Осындай іс-шаралар арқылы өскелең ұрпақ ел үшін жанын қиған ерлерге алғыс пен құрмет көрсетуге тәрбиеленеді. «Жеңістің 80 игі ісі» — өткенді ұлықтау мен бүгінгіні бағалаудың нақты көрінісі.
