2025 жылғы 19 қыркүйекте Қазақстан Республикасының барлық архив мекемелеріндегі сияқты “Павлодар облысының мемлекеттік архиві” КММ Баянауыл филиалында Қазақстан Республикасы Мәдениет және спорт Министрлігі архивтер және құжат айналымы комитетінің «Архив және болашақ ұрпақ» жобасын іске асыру бойынша іс-шаралар өткізілді. Бұл күні архив аудан мектептері мен оқу орындарының оқушыларына есігін айқара ашты. Ашық есік күнінің бағдарламасында «Жалынды жылдар тарихы», “ Кітаптар сыр шертеді” фотоқұжаттық көрмесімен танысу және «Уақыт және адамдар» тақырыбында т архивте экскурсиялар болды. Архив қызметкерлері мектеп оқушыларына қорлар құрамы мен көлемі, құжаттардың сақталуын қамтамасыз ету бойынша архивтің қызметі, архивті жеке тектік құжаттармен толықтыру туралы айтып берді. Республика күніне қарсы 1990 жылы декларация қабылдануы, егеменді елдің қалыптасуы туралы бейнесюжет көрсетілді.Осы шараға 5-11сынып тәрбиеленушілері және Ж.Т.Садакова. Б
С.Кадырбеков қатысты.
