Пиротехниканы қолдану кезіндегі негізгі өрт қауіпсіздік ережелері
• Пиротехникалық бұйымдарды тек арнайы рұқсат етілген сауда орындарынан сатып алыңыз.
• Қаптамасы бүтін, сертификаты және қолдану нұсқаулығы бар өнімді ғана пайдаланыңыз.
• Жарамдылық мерзімі өткен пиротехниканы қолдануға тыйым салынады.
• Пиротехниканы тек ашық алаңда, ғимараттардан, ағаштардан, электр сымдарынан алыс жерде қолданыңыз.
• Көпқабатты үйлердің ауласында, балкондарда, терезелерден атуға болмайды.
• Балалардың пиротехниканы өз бетінше қолдануына қатаң тыйым салынады.
• Мас күйінде пиротехниканы қолдануға болмайды.
• Қолданар алдында нұсқаулықты мұқият оқып шығыңыз.
• Оталған бұйымға еңкейіп қарамаңыз, іске қосылмаса, кемінде 5–10 минут күтіп, содан кейін ғана залалсыздандырыңыз.
• Пиротехниканы тұрғын үйлердің ішінде, кіреберістерде, шатырларда қолдануға болмайды.
• Пайдаланылмаған пиротехниканы от көздерінен алыс, құрғақ жерде сақтаңыз.
• Өрт сөндіру құралдарын (су, құм, өрт сөндіргіш) алдын ала дайындап қойған жөн.
⚠️ Ескерту: Пиротехниканы пайдалану кезінде өрт қауіпсіздік талаптарын бұзу адам өмірі мен мүлкіне қауіп төндіреді.
