Ш.Айманов атындағы жалпы орта білім беру мектеп-интернатының Жазғы мектеп өз жұмысын табысты жалғастыруда.
Сабақ барысында оқушылар негізгі пәндер бойынша білімдерін толықтырып, өткен тақырыптарды қайталап, алған білімдерін бекітуде. Мұғалімдер әр оқушыға қолдау көрсетіп, білімдегі олқылықтарды жоюға бағытталған жұмыстар жүргізуде.
Жазғы мектеп – тек білімді жетілдіру алаңы ғана емес, сонымен қатар оқушылардың уақытын тиімді пайдаланып, жаңа оқу жылына сенімді дайындалуына мүмкіндік беретін орта.
Білімге деген құштарлық пен ізденіс жолындағы әр қадамдарыңыз сәтті болсын! Жазғы мектептегі қызықты да пайдалы күндер жалғасуда!
