Бүгін 5 «А» сыныбында «Қақтығыс жағдайындағы қарапайым қадамдар»тақырыбында тәрбие сағаты өткізілді. Тәрбие сағатының мақсаты – оқушыларға қақтығыс жағдайларын дұрыс шешу жолдарын үйрету, бір-бірін тыңдауға, түсінуге, сабырлы қарым-қатынас жасауға және өз ойын мәдениетті түрде жеткізуге бағыттау. Сабақ барысында оқушылар түрлі ойындар мен қызықты жаттығуларға белсенді қатысып, жағдаяттарды талдап, өз пікірлерін ортаға салды. Әр тапсырма арқылы оқушылар қақтығыс кезінде ашуға берілмей, мәселені бейбіт жолмен шешудің қарапайым қадамдарын меңгерді. Тәрбие сағаты соңында оқушылар өз ойларымен бөлісіп, кері байланыс берді. Балалар үшін өзара сыйластық, түсіністік пен сабырлылықтың маңызы ерекше екені байқалды.
Сынып жетекшісі: А.Д.Шақырман
