Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Просмотров: 46

Бүгін мектебімізде Баянауыл ауданы төтенше жағдайлар бөлімінің бастығы, азаматтық қорғаныс майоры Азамат Кедербайұлы Қожабердейевпен кездесу өтті.
Кездесу барысында оқушылар өздерін қызықтырған сұрақтарын қойып, пайдалы мәліметтер алды.
Мұндай тағылымды кездесулер жас ұрпақтың қауіпсіздік мәдениетін қалыптастыруға және жауапкершілігін арттыруға үлкен септігін тигізеді.

Просмотров: 50

Просмотров: 37

Просмотров: 50

Құрметті ата-аналар!

Баланың қауіпсіздігі көбінесе сіздердің қадағалауларыңызға, жеке үлгілеріңізге және көшеде өзін дұрыс ұстау ережелерін уақытында түсіндірулеріңізге байланысты.

Балаға велосипед немесе самокат тебуге рұқсат бермес бұрын, көліктің оның жасына және бойына сәйкес келетініне көз жеткізіңіз. Бала рульді сенімді ұстап, аяғын жерге еркін тигізіп, тежегішті оңай қолдана алуы керек.

Қорғаныс құралдарына ерекше назар аудару қажет. Қысқа серуен кезінде де бала міндетті түрде:
• қорғаныс шлемін;
• тізеқаптарды;
• шынтаққаптарды;
• қажет болған жағдайда қолғап пен қол қорғағыштарын киюі тиіс.

Шлем құлаған кезде бастың ауыр жарақат алу қаупін едәуір азайтады, сондықтан оны пайдалану міндетті ережеге айналуы керек.

Серуенге шығар алдында велосипедтің немесе самокаттың жарамдылығын міндетті түрде тексеріңіз:
• тежегіштері жұмыс істей ме;
• дөңгелектері мықтап бекітілген бе;
• рулі дұрыс жұмыс істей ме;
• құрылымында зақым жоқ па.

Балаға жол қозғалысы мен қауіпсіз мінез-құлық ережелерін түсіндіріңіз:
• жолға кенеттен шығып кетуге болмайды;
• жүріп келе жатқан көліктердің жанында тебуге тыйым салынады;
• жолақтар мен аулалардан өткен кезде жан-жағына қарау қажет;
• қозғалыс кезінде телефонға немесе құлаққапқа алаңдауға болмайды.

Кіші жастағы балаларға тек ересектердің бақылауымен және қауіпсіз жерлерде — аулаларда, саябақтарда, арнайы алаңдарда және веложолдарда ғана тебу ұсынылады.

Кешкі уақытта баланы айналадағылар жақсы көруі үшін жарық шағылыстыратын элементтер мен ашық түсті киімдерді пайдаланыңыз.

Есіңізде болсын: балалардың көшедегі қауіпсіз мінез-құлық мәдениетін қалыптастыратын — ересектер.

Просмотров: 44

1а сынып оқушыларымен 15 -мамыр отбасы күні қарсаңында сынып сағаты өткізілді. Жаз мезгіліндегі қауіпсіздік ережелерімен таныстырылды

Просмотров: 48

«Таза Қазақстан» жалпыұлттық акциясы аясында «Таза Қазақстан – Таза Баянауыл» фото және видео байқауы өтті.
Байқаудың мақсаты – оқушылардың табиғатқа деген жанашырлығын арттыру, қоршаған ортаны қорғау мәдениетін қалыптастыру және шығармашылық қабілеттерін дамыту болды.
Шараға 8а, 8ә, 10а, 10ә сынып оқушылары қатысып, «Таза табиғат», «Эко әрекет», «Таза Қазақстан – менің үлесім» номинациялары бойынша өз жұмыстарын ұсынды. Қатысушылар табиғаттың әсем көріністерін бейнелеп, тазалық жұмыстары мен экологиялық бастамаларды насихаттайтын әсерлі фото және бейнероликтер көрсетті.
Байқау барысында жұмыстардың тақырыпты ашуы, шығармашылық ерекшелігі, сапасы мен экологиялық маңызы бағаланды. Үздік жұмыстар марапатталып, белсенді қатысушыларға алғыс хаттар табысталды.
Табиғатты аялау – әрбіріміздің ортақ міндетіміз!

Просмотров: 44

Бүгін мектебімізде дене шынықтыру және алғашқы әскери және технологиялық дайындық пәндері апталығының салтанатты ашылуы өтті.
Апталықтың мақсаты – оқушылардың салауатты өмір салтына қызығушылығын арттыру, спортқа баулу, патриоттық рух пен тәртіпті қалыптастыру. Ашылу барысында оқушылар өз белсенділіктерін танытты.
Апталық аясында спорттық жарыстар, эстафеталар, әскери-патриоттық сайыстар және танымдық шаралар ұйымдастырылатын болады.
Барлық қатысушыларға сәттілік пен жеңіс тілейміз!

Просмотров: 51

12-15 мамыр аралығында жалпы орта білім беретін мектептердің 10 сынып жасөспірімдерімен далалық оқу-жаттығу жиындары өтуде.

Просмотров: 47

Құрметті Павлодар облысының тұрғындары!

Білім беру жүйесіне қатысты барлық мәселелер бойынша Білім беру басқармасының басшысына жүгіне аласыздар.

Білім беру жүйесіне қатысты оқу процесін ұйымдастыру, білім алу жағдайлары, қосымша білім беру және өзге де мәселелер бойынша өтініштер белгіленген тәртіпте қаралатын болады.

Ашық диалог пен кері байланыс тиімді шешімдер қабылдауға және білім беру жүйесін әрбір азамат үшін одан әрі жақсартуға мүмкіндік береді.

Уважаемые жители Павлодарской области!

По всем вопросам, связанным с системой образования, вы можете обращаться к руководителю Управления образования.

Обращения по вопросам системы образования, организации учебного процесса, условий обучения, дополнительного образования и другим направлениям будут рассмотрены в установленном порядке.

Открытый диалог и обратная связь помогают находить решения и делать систему образования лучше для каждого.

Просмотров: 58

“Экоboom” жобасы аясында ұйымдастырылған “Экоstart” акциясының кезекті жеңімпазы марапатталды!
Акция нәтижесі бойынша 6 “А” сынып оқушысы Бақбай Қайрат 600 кг қатты тұрмыстық қалдықтарды тапсырып, велосипед ұтып алды!
Бұл бастама – экологиялық мәдениетті қалыптастыруға және қоршаған ортаны қорғауға бағытталған маңызды қадам.
♻️ Құрметті Баянауыл тұрғындары!
Сіздерді де осы игі іске белсене қатысуға шақырамыз!
600 кг тұрмыстық қалдық тапсырып, сіз де велосипед ұтып алу мүмкіндігіне ие бола аласыз.
Акция әлі де жалғасуда!
Табиғатты бірге қорғайық!