Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

"Оқуға құштар мектеп жобасын" іске асыру мақсатында күзгі демалыста " Күзде біз жалықпаймыз, кітап оқимыз " атты іс-шарамызға 1-11 сынып оқушылары мен ата-аналарын кітап оқуға шақырамыз.

2023 жылғы 27 қазан күні Ауданның 5-6 сынып оқушылары арасында "Ұлттық мектеп лигасы" аясында волейбол спорт түрінен өткен аудандық жарысында мектебіміздің қыздар командасы 1 орынға ие болды. Жаттықтырушысы: Ермеков А.Қ.

«Аққу» қыздар клубының ұйымдастыруымен 6-11 сыныптың қыздарымен «Қыздар құпиясы» атты тақырыпта медициналық қызметкерлермен кездесу өтті. Кедесуге гинеколог Гүлнар Алшынқызы Жүнісова, мектеп медбикесі қатысты. Кездесу барысында салауатты өмір сүру үшін әрбір адам дұрыс тамақтануды, күн тәртібін сақтап, белсенді қимылдауды үйрену керектігі айтылды. Гигиена мен тазалықты, шынығу тәртіптерін сақтау, яғни жеке бас тазалығының ережелерін атап өтті. Денсаулықтың басты ережесі – зиянды әдеттерден аулақ болып, өз-өзіңмен, ішкі дүниеңмен тепе-теңдікте келісімді өмір сүру. Адамның денсаулығы – қоғам байлығы.

Республика күні мерекесіне орай аудан әкімі мектебіміздің қазақ тілі мен әдебиеті пәні мұғалімдерін Турсынай Омирзаковна Баянауыл ауданына сіңірген ерен еңбегі үшін медалімен, Ғалия Тоқбаевна көп жылғы еңбегі үшін Алғыс хатпен марапаттады.

\

Құрметті қамқоршы!
Балаларға деген ыстық ықыласыңыз, аялы алақаңызды созып, адамдық мейірімділік таңытқандарыңыз үшін Еліміздің барлық қамқоршыларына алғыс айтамыз.

Республика күніне орай 8ә сынып оқушыларымен "Менің Республикам"атты тәрбие сағаты өтті. Өткізген сынып жетекшісі А.А.Жуматова

Математика, физика, информатика, орыс тілі, ағылшын тілі пән мұғалімдері бірлесіп «Критериалды бағалау-сапалы білім негізі» атты коучинг өткіздік. Коучинг мақсаты: «Білім берудегі оқу жетістіктерін бағалаудың шынайы және сенімді жүйесін талқылау, тәжірибе алмасу». Келесі мәселелер қарастырылды: бағалаудың құрылымы, принциптері, міндеттері. Тәжірибе алмасу барысында бағалау құралын әзірлеу процесі және дискриптор жазудың нақты қадамдары сипатталды. Бағалау критерийі – білім алушының оқу жетістіктерін бағалауға негізі болатын белгі екенін басшылыққа алып топтық жұмыстар қорғалды.
Әдістемелік бірлестік жетекшілері: Абдыкаримова С.Т., Солтаналина А.С.

Оқушыларды өз Отанын сүюге, қазақ екенін, Қазақстанда тұратынын мақтаныш етуге, туған халқының тілін, мәдениетін, салт – дәстүрін қастерлейтін саналы да парасаты азаматтар тәрбиелеу мақсатында Республика күніне орай 11Ә,10А сыныптарында сынып сағаты өтті.Сынып жетекшілері Амангүл Рымхан,К.Б.Альжанова.