Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Жарияланды 14 Қаңтар 2026

“Мамандықтар марафоны”, “Еңбегі адал – жас өрен” республикалық жобасы аясында мектеп түлектері мен студенттер арасында тағылымды кездесу өтті.
Кездесудің мақсаты – мектеп түлектерін әртүрлі мамандықтармен таныстыру, болашақ кәсібін дұрыс таңдауға бағыт-бағдар беру, адал еңбек пен жауапкершіліктің маңызын түсіндіру, студент жастардың тәжірибесімен бөлісу арқылы түлектердің мотивациясын арттыру.Кездесу барысында студенттер өздерінің оқу жолы, таңдаған мамандығы, жеткен жетістіктері мен кездескен қиындықтары туралы айтып, түлектердің сұрақтарына жауап берді.
✨ Шара жас ұрпақтың еңбекке деген құрметін арттырып, саналы таңдау жасауына ықпал етті.

Жарияланды 14 Қаңтар 2026

Павлодар қаласындағы “Келешек мектеп” ұлттық жоба аясында №48 мектепте ұлттық құндылықтарға негізделген садақ ату сабағы өткізіледі. Бұл сабақта оқушылар қазақ халқының дәстүрлі спорт түрлерінің бірі – садақ атудың тарихымен, маңызымен танысады.

Садақ ату сабағы балалардың мергендік қабілетін, зейінін, төзімділігін дамытуға бағытталған. Сонымен қатар, ұлттық ойын арқылы оқушылардың ата-баба мұрасына деген қызығушылығы артып, патриоттық рухы қалыптасады.

Аталған сабақтар «Ұлттық ойын – ұлт қазынасы» бағыты аясында жүзеге асырылады және ұлттық дәстүрді білім беру үдерісімен ұштастыруға мүмкіндік береді.