Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

«Эко Life» мектебінің «Экоboom» жобасы аясында «Эко демалыс» акциясына белсене қатысып, жаз бойы ең көп қатты тұрмыстық қалдықтарды жинағандары үшін мектеп басшысы табиғат жанашырлары 4 «ә» сынып оқушыларына 200 мың теңге ақшалай сертификат, ал жұманың әр бейсенбі күні қатты тұрмыстық қалдықтарды еңбеніп, сұрыптап тапсырғандары үшін ата-аналарына «Алғыс хат» табыстады. Оқушылар бұл ақшаға күзгі демалыста киелі мекен Түркістан қаласына саяхатқа баратын болады. Ерекше қорғалатын табиғи аймақ «Баянауыл мемлекеттік ұлттық табиғи паркі» «Адамзат табиғатты аяла» акциясына белсене қатысқаны үшін сынып жетекшісі Ахметова Альмира Кажыбаевнаға және сынып оқушыларына алғыс білдіріп, сыйлық табыстады.

Оқушылар, сіздердің де сыныптарыңызбен қатты тұрмыстық қалдықтарды жинап, қысқы, көктемгі демалыстарыңызды керемет өткізуге мүмкіндіктеріңіз бар, акция әлі де жалғасын табуда.

2023 жылғы 13 қазан күні Баянауыл ауданының балалар мен жасөспірімдер спорт мектебінің ұйымдастыруымен аудандық «Күзгі кросс» жарысы өткізілді. Мектебіміздің балғын спортшылары аталмыш жарысқа қатысып, өз жас ерекшеліктерінде келесідей нәтиже көрсетті.
Мұрат Жаншырай І орын, Калгин Володя І орын, Такишев Әділжан І орын, Берікбай Ақмерей ІІ орын, Нағым Нұрали ІІ орын, Егеубаева Айсана ІІ орын, Қайрат Еркежан ІІІ орын, Файзолла Ильхан ІІІ орын, Қайрат Мөлдір ІІІ орын. Жаттықтырушысы: Н.Е.Сембин. Құттықтаймыз!

2023 жылғы 13 қазан күні Майқайың кентінде педогог қызметкерлер арасында қазақ күресінен аудандық «Кәсіподақ барысы» жарысы өткізілді. Аталмыш жарысқа мектебіміздің денешынықтыру пәнінің мұғалімдері Дуйсенбеков Кенес пен Ханатұлы Жасыбай мектебіміздің намысын қорғап, жүлделі орындарға иеленді. Ханатұлы Жасыбай ІІІ орынды, Дуйсенбеков Кенес ІІ орынды иеленді. Әріптестерімізді жеңістерімен құттықтаймыз!!

3-4 сынып тәрбиеленушілерімен «Менің берік отбасым» тақырыбында тәрбие сағаты өткізілді. Мақсаты: Балалар әке-шешесінің қамқорлығына, сүйіспеншілігіне бөленіп, олардың дәулеті мен қызығын көріп қана қоймай, олардан адамгершілік қасиеттерін алып, жақсы қасиеттерді бойына сіңіру, жақсыдан үйреніп, жаманнан жиренуге баулу. Сынып тәрбиешісі А.Т.Молдабекова

2023 жылғы 13-15 қазан күндері аралығында Павлодар қаласында үстел теннисі спорт түрінен облыстық кешенді спартакиадасында мектебіміздің 8 а сынып оқушылары Орал Айзере, Балтабек Инабат, Балтабек Іңкәр І орынға ие болды. Жаттықтырушысы А.Б.Салыков. Құттықтаймыз!

9,10,11 сынып интернат тәрбиеленушілерінің бос уақытын қамту мақсатында Екібастұз қаласына @maxicinema.ekibastuz кинотеатрына «Міржақып. Оян, Қазақ» фильмін көруге мектеп тарапы саяхатқа апарып келді. Оқушылар ұмытылмайтындай әсер алып қайтты.

2023 жылғы 13-15 қазан күндері аралығында Павлодар қаласында грек-рим күресінен Болат Ракишевты еске алуға арналған облыстық турнирде мектебіміздің 7 "ә" сынып оқушысы Жанболат Әділ жүлделі екінші орынға ие болды. Жаттықтырушысы К.Ж.Дуйсенбеков. Құттықтаймыз!

Бүгін мектебімізде орналасқан Ш.Айманов атындағы мектеп мұражайында Майқайын
#2 мектебінің 9 ә сынып оқушылары сынып жетекшісімен бірге қонақта болды. Мұражай жетекшісі тарих пәнінің мұғалімі Рахимтаев Ержан оқушыларға Ш.Аймановтың өмірі, өнердегі жолы жайлы оқушыларға тыңғылықты мағлұмат беріп, мұражай жәдігерлерімен таныстырды. Саяхат соңында оқушылар тілек кітабына өз лебіздерін жазып қалдырды.