Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Логопедтің «Л» дыбысын дұрыс айтуға арналған ашық сабағы жоспарға сай өткізілді. Сабақтың мақсаты – оқушыларға «Л» дыбысының дұрыс артикуляциясын меңгерту, оны буында, сөзде және сөйлемде дұрыс қолдануға дағдыландыру болды. Өткізген: Багимбекова А.У.

«Заң және тәртіп», «Айқын нәтиже» жобалары аясында мектебімізде профилактикалық бағыттағы рейдтік іс-шара ұйымдастырылды. Іс-шара барысында 21 отбасы (28 оқушының) тұрғылықты мекен-жайына барып, оқушылардың тұрмыс жағдайы, тәрбиесі, бос уақытын тиімді өткізуі және қауіпсіздігі назарға алынды. Сонымен қатар ата-аналармен түсіндіру жұмыстары жүргізіліп, бала тәрбиесіндегі жауапкершілік, құқықтық сауаттылық және қауіпсіз орта қалыптастыру мәселелері талқыланды.

🔺Рейдтің негізгі мақсаты құқық бұзушылықтың алдын алу, оқушыларға әлеуметтік қолдау көрсету және отбасы мен мектеп арасындағы байланысты нығайту. Осындай жүйелі жұмыстардың нәтижесінде оқушылардың тәртібі мен оқу үлгерімін жақсартуға, қауіпсіз әрі қолайлы орта қалыптастыруға бағытталған нақты қадамдар жасалуда.

Өнер бірлестігі апталығының ашылуы

Мектебімізде өнерге жаны құмар оқушылардың шығармашылығын шыңдауға арналған Өнер бірлестігі апталығының салтанатты ашылуы өтті. Апталықтың мақсаты – оқушылардың эстетикалық талғамын қалыптастыру, шығармашылық қабілеттерін дамыту және өнерге деген сүйіспеншіліктерін арттыру.

«Кешкі кітапхана» жобасы аясында өткен «Ұтқыр ой алаңы» зияткерлік сайысы – жастардың басын қосқан керемет рухани кеш болды. «Ұтқыр ой алаңы» зияткерлік сайысында «Шабыт», «Талант», «Парасат» топтары музыка, кино және әдебиет бағыттары бойынша бақ сынап, білімдері мен тапқырлықтарын көрсетті.
Сайыс барысында түрлі кезеңдер бойынша командалар жылдамдықта, ой ұшқырлығында, сөз мәдениетінде өзара тартысты жарыс өткізді. Кештің ерекше бөлігі – «Жасанды интеллект адамды алмастыра ма, әлде көмекші құрал ма?» тақырыбындағы пікірталас болды. Әр топ өз көзқарасын дәлелмен жеткізіп, технология мен адам еңбегінің арақатынасы туралы ойларын мәдениетті түрде қорғады. Бұл кезең жастардың заманауи ойлау қабілетін айқын көрсетті.
Қорытынды нәтижесі:
I орынды Ш.Айманов атындағы ЖОББ гимназия мектеп‐интернатының ұстаздары «Талант» тобы жеңіп алды. Ал, II орын Баянауыл көпсалалы колледж ұстаздары – «Шабыт» тобына бұйырды, III орынға Баянауыл мемлекеттік ұлттық табиғи паркінің қызметкерлері – «Парасат» тобы ие болды.

“Адалазамат”біртұтас тәрбие аясында “Қамқор”жобасы бойынша 7 сынып оқушылары сауапты істің бастамашысы болды. “Шын жүректен” акциясы аясында ата-аналар, сынып жетекшісі және оқушылар бірлесіп, азык-түлік себетін дайындап, үш отбасыға табысталды.
Бұл - кішкентай жүректердің үлкен мейірімі! Осындай игі істер арқылы балаларымыз қайырымдылыққа,
жанашырлыққа және адамгершілікке тәрбиеленуде. Оқушыларды қолдап жүрген ата-аналарына рақмет.

Жақсылық жасаудан шаршамайык!

Сынып жетекшілері: Успанова Ж.Ж., Абдуева А.А.

Облыстық “Ұрпақ үні “ жобасы аясында өткізіліп жатқан Облыстық “Ұрпақ үні Abai Generation “ ЖИ мен креативті (7-ші қара сөзі) Қатысушысы : Ш.Айманов атындағы жалпы орта білім беру мектеп-интернатының 9 ә сынып оқушысы Сапарғали Мадина.
Жетекшісі: Абилова Гулия Бабаевна
Жоба аясында қатысып отырған оқушымызға алда сәттілік, жеңіс тілейміз. Барынша қолдап кетуілеріңізді сұраймыз.

Облыстық “Ұрпақ үні” жобасы аясында ұйымдастырылып жатқан “Ұрпақ үні Abai Generation” байқауында Абай Құнанбайұлының 33-қара сөзі бойынша жасанды интеллект пен креативті бағытта өнер көрсетіп жатқан қатысушымыз —
🎓 Шәкен Айманов атындағы жалпы орта білім беру мектеп-интернатының дарынды оқушысы Құрманғазы Мәди 7 “А” сынып оқушысы.
Мәди — мектебіміздің күйші, өнерпаз шәкірті. Қазақ халқының музыкалық өнерін, әсіресе домбыра өнерін жастайынан бойына дарытып, күй тартуды жетік меңгерген, талантымен көзге түсіп жүрген дарынды бала.

Мектеп парламенті жобасы
Мектебімізде ерекше форматтағы әсерлі сұхбат ұйымдастырылды. Парламент мүшелері ұстаздармен “Мен мұғалім болмасам, кім болар едім?” тақырыбында сырлы әңгіме өрбітті.
Сұхбаттан кейін жасанды интеллект мүмкіндіктері арқылы ұстаздарымыз өздері таңдауы мүмкін болған басқа мамандық бейнесін сезініп, жаңа қырынан танылды. Бұл сәт олардың бала күнгі армандарын жаңғыртып, қиялға қанат бітірген ерекше тәжірибеге айналды.
✨ Іс-шараның басты мақсаты — ұстаз тұлғасын жақынырақ танып, олардың қызығушылығы мен өмірлік таңдауларын білу және оқушыларға шабыт сыйлау.