Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Просмотров: 3

Республикалық “Заң және тәртіп” тұжырымдамасының республикалық жоспары аясында жасөспірімдер арасындағы құқықбұзушылық пен буллингтің алдын алу мақсатында мектебімізде “Сот отырысы” және “Заңгер алаңы” интеллектуалды ойындары өткізілді. ⚖️📚
Іс-шара барысында оқушылар заң талаптарын, құқықтары мен міндеттерін тереңірек танып, түрлі жағдаяттарды талдау арқылы әділ шешім қабылдаудың маңыздылығын түсінді. Ойын формасында ұйымдастырылған бұл шара жасөспірімдердің құқықтық сауаттылығын арттырып, заңға құрметпен қарауға тәрбиелеуге бағытталды.

Просмотров: 14

Тәрбиешілер апталығы аясында
4–5 сынып оқушылары арасында
«Салауатты өмір салты, дұрыс тамақтану» тақырыбында
ашық сабақ ұйымдастырылды.

Сабақтың мақсаты – оқушыларға салауатты өмір салтының маңызын түсіндіру, дұрыс тамақтану дағдыларын қалыптастыру, денсаулықты сақтауға деген жауапкершілікті арттыру.

Тәрбиешілер:
Айналгулова Б.
Молдабекова А.
Сейтова Ж.

Просмотров: 18

Жеңісті құттықтаймыз!
Әскери-патриоттық клубтар арасындағы облыстық «Алау» жарысында Баянауыл «Жас сарбаз» командасы жүлделі ІІ орын иеленді. 🏆
Жарыс барысында қатысушылар әскери дайындық, саптық жүріс, ептілік пен командалық бірлікті талап ететін түрлі кезеңдер бойынша өз шеберліктерін көрсетті. Біздің команда жоғары дайындық пен ұйымшылдық танытып, үздіктер қатарынан көрінді.
Жас сарбаздарды осы жетістіктерімен шын жүректен құттықтаймыз! Алдағы уақытта да биік белестерді бағындырып, ел намысын қорғайтын азаматтар болуларына тілектеспіз.
Жетекшісі: А.С.Тұрсынбай

Просмотров: 25

12 сәуір – Ғарышкерлер күніне орай тәрбие сағаты өтті
12 сәуір – Ғарышкерлер күніне орай мектебімізде танымдық тәрбие сағаты ұйымдастырылды. Шараның мақсаты – оқушыларға ғарыш әлемі туралы мағлұмат беру, ғылымға қызығушылығын арттыру және ғарышкерлердің ерлігі мен еңбегін насихаттау.
Тәрбие сағаты барысында оқушылар ғарыш туралы қызықты деректермен танысып, ғарышкерлердің өмірі мен жетістіктері жайлы мәлімет алды. Сонымен қатар Қазақстанның тұңғыш ғарышкерлері туралы айтылып, олардың ғылым мен ел дамуына қосқан үлесі түсіндірілді.
Оқушылар тақырыпқа байланысты сұрақтарға жауап беріп, өз ойларымен бөлісті. Мұндай шаралар жас ұрпақтың білімге деген қызығушылығын арттырып, ғылымға ұмтылуына жол ашады.

Просмотров: 18

Республикалық “Таза Қазақстан” акциясы аясында Түлектер аллеясы – игі дәстүр
Мектебімізде 11-сынып түлектерінің қатысуымен “Түлектер аллеясы” атты игі шара өтті. Шара барысында түлектер мектеп ауласына ағаш көшеттерін отырғызып, туған білім ордасына деген құрметі мен алғысын білдірді. 🌱
Бұл бастама – табиғатты қорғауға, қоршаған ортаны көгалдандыруға бағытталған маңызды іс. Оқушылар отырғызған әрбір ағаш – олардың мектеппен байланысты естелігі мен болашаққа қалдырған ізі.
Түлектер аллеясы – жас ұрпақты табиғатты аялауға, еңбекқорлыққа және туған мектебін қадірлеуге тәрбиелейтін мағыналы шара болды. 🌳

Просмотров: 39

Республикалық «Мағжан оқулары» ғылыми-шығармашылық байқауының аудандық кезеңінің қорытындысы бойынша:
– Мүшайра бағыты бойынша
🥇 І орын – Қайрат Бекарыс
Жетекшісі: Ахатов Танат Куанович
– Ғылыми жоба бағыты бойынша
🥈 ІІ орын – Оспанова Камила
Жетекшісі: Альжанова Кенжегуль Балтажановна

Просмотров: 14

12 сәуір — адамзат тарихындағы ерекше күн. 1961 жылы дәл осы күні кеңестік ғарышкер Юрий Гагарин алғаш рет ғарышқа ұшып, Жерді айналып шықты. Бұл оқиға ғылым мен техниканың үлкен жетістігі болып, жаңа дәуірдің басталуына жол ашты.
Қазақстан үшін де бұл күннің маңызы зор. Себебі әлемге әйгілі Байқоңыр ғарыш айлағы біздің елімізде орналасқан. Сонымен қатар қазақтан шыққан тұңғыш ғарышкер — Тоқтар Әубәкіров, кейіннен Талғат Мұсабаев, Айдын Айымбетов сияқты батырлар ғарышты бағындырды.
Мектепалды “Ә” сыныбында осы тақырыпқа арналған тәрбие сағаты өтті. Өткізген сынып тәрбиешісі Б.З.Ибадуллина

Просмотров: 14

Таза Қазақстан – баршамызға ортақ іс!
“Таза Қазақстан” акциясын насихаттау мақсатында мектебіміздің кіші қызметкерлері сенбілікке шығып, мектеп ауласын тазалау жұмыстарына белсене атсалысты. Тазалық жұмыстарында аула ретке келтіріліп, айнала қоршаған ортаның таза әрі көрікті болуына үлес қосылды.
Тазалық – мәдениеттің белгісі. Әрбір азамат табиғатты аялап, қоршаған ортаны таза ұстауға жауапкершілікпен қарауы тиіс.

Просмотров: 16

Жазушы, драматург, әдебиеттанушы, Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығының бөлімі “Алаш арыстары - Мұхтар Әуезов” музейінің меңгерушісі ҚУАТ ҚИЫҚБАЙ ҚАЗЕЗҰЛЫНЫҢ қатысуымен Ш.Айманов атындағы ЖОББМИ-ның акт залында аудан орталығындағы білім ошақтарының 10-11 сынып оқушыларына арналған “ҚАЙЫМ МҰХАМЕДХАНОВ - ҰЛТТЫҚ РУХТЫҢ ҚАЗЫНАСЫ” атты танымдық дәріс өткізілді.

Биылғы жылдың мерейтой иесі, Қайым Мұхамедхановтың туғанына 110 жыл.

Қайым Мұхамедханов - қазақтың көрнекті ғалымы, абайтанушы, шәкәрімтанушы, текстолог, ақын, жазушы және қоғам қайраткері.

Дәрісті тәмәмдап, Қуат Қазезұлы Ш.Айманов атындағы мектеп жанынан құралған мұражайды тамашалады.

Просмотров: 28

«Туған жерге тарту еттім ән мен жыр» аудандық байқауының қорытындысы:
🥇 І орын – Серік Ділназ
Жетекшісі: Адамбекова Адина Бауыржанқызы
🥈 ІІ орын – Өмірбек Рамазан
Жетекшісі: Сакенова Галия Токпаевна
🥈 ІІ орын – Григорий Раиса
Жетекшісі: Шитова Дидар Кузаировна