Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Құрметті ата-аналар!

Павлодар облысында 1-сыныпқа құжаттарды қабылдау ағымдағы жылдың 18 маусымынан 31 тамызына дейін жүргізіледі.

Өтінішті 31 тамызға дейін egov.kz порталы арқылы электронды форматта беруге болады.

Білім беру ұйымында мектепалды даярлық бағдарламасын меңгеріп, осы мектепте оқуын жалғастыруға ниет білдірген балалар 1-сыныпқа автоматты түрде қабылданады.
Ал баласын басқа мектепке орналастыруды жоспарлаған ата-аналар құжаттарды жалпы белгіленген тәртіппен тапсырады.

1-сыныпқа балалар 6 жастан бастап, ата-анасының өтініші негізінде, дайындық деңгейіне қарамастан қабылданады. Биыл облыс мектептеріне 10 мыңнан астам бірінші сынып оқушысы қабылданады деп жоспарлануда.

Өтініш беру үшін қажетті құжаттар:
• ата-анасының немесе заңды өкілінің өтініші;
• №065-у және №052-2/у нысандарындағы медициналық анықтамалар.

1 «А» сыныбында «Кітап – рухани қазына» тақырыбында тәрбие сағаты өтті. Оқушылар кітаптың адам өміріндегі маңызы туралы ой бөлісіп, білімнің қайнар көзі екенін түсінді. Балалар өздерінің сүйікті кітаптарын таныстырып, оқу мәдениетін дамытуға белсенді қатысты.\

Қазақ тілі мен әдебиеті пәндерінің апталық жоспарына сәйкес 7 «А» сыныбында «Оқшау сөздер» тақырыбында ашық сабақ өткізілді.
Сабақ барысында оқушылар оқшау сөздердің түрлерін меңгеріп, олардың сөйлемдегі қызметін анықтауды үйренді. Түрлі тапсырмалар арқылы оқушылар өз білімдерін көрсетіп, белсенділік танытты.
Сабақтың мақсаты – оқушылардың тілдік білімін тереңдету, сауатты сөйлеу мен дұрыс жазу дағдыларын дамыту. Ашық сабақ тартымды, мазмұнды әрі оқушылардың қызығушылығын арттыратындай деңгейде өтті.
Осындай сабақтар оқушылардың пәнге деген қызығушылығын арттырып, білімдерін нығайтуға үлкен мүмкіндік береді.

Кітап күніне орай 2 Ә” сыныбында “Кітап-рухани қазына”тақырыбында тәрбие сағаты өтті. Оқушыларды кітап оқуға баулу, білімге деген қызығушылығын арттыру.
Тәрбие сағаты барысында оқушылар өздерінің сүйікті кітаптары туралы ой бөлісіп, көркем шығармалардан үзінділер оқыды. Сонымен қатар, Абай Құнанбайұлы шығармаларына ерекше көңіл бөлініп, оның даналық сөздері талқыланды. Оқушылар кітаптың адам өміріндегі маңызы туралы пікір алмасып, белсенділік танытты.

Қауіпсіздік шаралары.
2026 жылдың 30 наурыз күні жасөспірімдер арасындағы құқықбұзушылықтың, қадағалаусыз қалудың, буллингтің, кибербуллингтің, бопсалаудың және зорлық-зомбылықтың алдын алу мақсатында ауыл көшелері бақылауға алынды.
Түнгі уақытта заңды өкілсіз жүрген жасөспірімдер анықталған жоқ, құқықбұзушылық тіркелген жоқ. Жалпы жағдай бақылауда, қауіпсіздік шаралары қамтамасыз етілді. Түнгі кезекшілік орындалды.

Құттықтаймыз! 🌸

Аудандық мектепке дейінгі 5-6 жастағы балаларға арналған “Жауқазын” олимпиадасында
мектепалды сынып оқушысы Сәбит Зейнеп жүлделі ІІ орын иеленді 🥈

Жетістігіңмен құттықтаймыз! Алдағы уақытта да биік белестерді бағындыра беруіңе тілектеспіз! 🌟

Тәрбиешісі: Мусабекова Т.Т

Қазақ тілі мен әдебиеті пәндерінің апталық жоспарына сай “Тіл тағдыры – ел тағдыры” тақырыбында дебат сайысы өтті. Іс-шараның негізгі мақсаты – оқушылардың мемлекеттік тілге деген құрметін арттыру, тілдің қоғамдағы маңызын түсіндіру, өз ойын еркін әрі дәлелді жеткізе білуге үйрету. Сонымен қатар, пікірталас мәдениетін қалыптастырып, оқушылардың сыни ойлау қабілетін дамытуға бағытталды.
Дебат барысында қатысушылар тілдің ел болашағындағы рөлі туралы өз көзқарастарын білдіріп, түрлі дәлелдер келтіріп, ойларын ортаға салды. Оқушылар белсенділік танытып, тақырыпты жан-жақты талқылап, пікір алмасу арқылы өз білімдерін көрсетті.
Осындай танымдық әрі тәрбиелік мәні зор іс-шаралар оқушылардың ана тіліне деген сүйіспеншілігін арттырып, ұлттық құндылықтарды қадірлеуге тәрбиелейді.

Өткізген: Т.Қ.Ахатов
А.Д.Шақырман

Мектебімізде қазақ тілі мен әдебиеті пәндерінің апталығы басталды!
Мектебімізде қазақ тілі мен әдебиеті пәндерінің апталығының салтанатты ашылуы өтті. Апталықтың басты мақсаты – оқушылардың ана тіліне деген құрметін арттыру, әдебиетке қызығушылығын дамыту және тіл мәдениетін қалыптастыру.