Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Парламент News-тің кезекті шығарылымы қазақ кино өнерінің негізін қалаған көрнекті тұлға – Шәкен Аймановқа арналды.
Бағдарламамыздың қонағы – мектебіміздің тарих пәнінің мұғалімі Ержан Бахтыбаевич. Сұхбат барысында Шәкен Аймановтың өмір жолы, шығармашылық мұрасы, оның өмір сүрген тарихи кезеңі және қазақ мәдениеті мен кино өнеріндегі орны туралы мазмұнды әңгіме өрбіді.

10а, 10 ә сыныптарында “Ш. Айманов- қазақ киносының шамшырағы” атты тәрбие сағаты өтті. Ұйымдастырған сынып жетекшілер А.Жуматова мен А. Солтаналина.

7 «А» және 7 «Ә» сыныптарында «Шәкен Айманов – қазақ киносының шамшырағы» тақырыбында тәрбие сағаты өтті.

«Сүйем сені – Өмір»
9 ақпан – қазақтың ақиық ақыны Мұқағали Мақатаевтың туғанына 95 жыл толуына орай мектебімізде әдеби-поэзия кеші өтті.
Аталған кеште мектебіміздің 7 «Б» сынып оқушысы Сартаев Мансұр М.Мақатаевтың «Қазақстан» өлеңін мәнерлеп оқып, көрермендердің ыстық ықыласына бөленді.

Ш.Аймановтың туған күніне орай апталықтың ашылуы өтті
Қазақ кино өнерінің көрнекті өкілі, режиссер әрі актер Шәкен Аймановтың туған күніне арналған апталықтың салтанатты ашылуы өтті. Іс-шара барысында оқушыларға ұлы тұлғаның өмірі мен шығармашылығына қатысты танымдық сұрақтар қойылып, белсенді қатысушылар өз білімдерін ортаға салды.
Апталықтың мақсаты – жас ұрпаққа ұлттық кино өнерінің дамуына зор үлес қосқан тұлғаның мұрасын таныту, өнерге деген қызығушылығын арттыру. Алдағы күндері түрлі танымдық, тәрбиелік іс-шаралар жалғасын табады.

“Кино өнерінің жұлдызы” атты тәрбие сағаты өтті. Тәрбие сағатының мақсаты- оқушыларға кино өнерінің дамуына зор үлес қосқан тұлғаның мұрасын таныту арқылы өнерге қызығушылықтарың арттыру.

Мемлекеттік рәміздерге құрмет-елге деген сүйіспеншіліктің белгісі!
Бүгін 4”А” сыныбы дүйсенбі күнін Қазақстан Республикасының Мемлекеттік Әнұранын орындаумен бастады.Жас ұрпақтың жүрегінде Отанға деген мақтаныш пен патриоттық сезім қалыптастыру - біздің басты мақсатымыз.