Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

9 мамыр – Жеңіс күніне орай мектеп түлектері Мәңгілік алауға гүл шоқтарын қойып, Отан үшін жанын қиған батырларды бір минут үнсіздікпен еске алды.
Тағзым ету рәсімі барысында ерлік пен елдік жолында күрескен ардагерлерге құрмет көрсетіліп, жас ұрпаққа патриоттық тәрбие берудің маңыздылығы айтылды.
Бейбіт өмір сыйлаған батырлардың ерлігі – мәңгі жадымызда!
Ер есімі – ел есінде!

“Наурыз – бейбітшілік бастауы”
Бүгін мектебімізде 1 мамыр – Қазақстан халқының бірлігі күні мен Ұлыстың ұлы күні Наурыз мерекесіне орай “Наурыз – бейбітшілік бастауы” атты мерекелік шара өтті.
Шара барысында мектеп оқушылары түрлі ұлт өкілдерінің өнерін көрсетіп, ән айтып, би билеп, халқымыздың достығы мен бірлігін паш етті. Әрбір өнер көрсетілімінен татулық пен сыйластықтың ерекше лебі сезілді.
Мереке соңында оқушыларға дастарқан жайылып, шәй, палау және ұлттық тағам – бауырсақ таратылды.
Бірлік пен береке, татулық пен достық мәңгі жасай берсін!

2026 жылғы 5 мамыр күні Майқайың кентіндегі ортылық алаңда “Адал азамат” бағдардамасы “Шабыт” жобасы аясында, сондай-ақ Отан қорғаушылар күніне орай ұйымдастырылған “Жас сарбаз” әскери-патриоттық саптық әндер байқауына мектебіміздің жас сарбаздары қатысты.

Кәсіптік бағдар беру кездесуі
Мектебімізде 9-сынып оқушылары үшін ерекше маңызды кездесу өтті. Төтенше жағдайлар бөлімінің қызметкерлері оқушылармен жүздесіп, құтқарушы мамандығының қыр-сырымен жан-жақты таныстырды.
Кездесу барысында:
• Төтенше жағдайлар саласындағы оқу орындарына түсу тәртібі;
• Құтқарушылардың күнделікті қызметі мен атқаратын жұмыстары;
• Мамандыққа қойылатын негізгі талаптар (физикалық дайындық, психологиялық төзімділік) туралы толық ақпарат берілді.
Оқушылар мамандарға өздерін қызықтырған сұрақтарын қойып, арнайы техникалар мен құтқару құрал-жабдықтарымен танысу мүмкіндігіне ие болды. Бұл кездесу болашақ түлектерге мамандық таңдауда маңызды бағыт-бағдар берді.
👨‍🚒 Шараға арнайы қатысқан Мәлік Ғабдуллин атындағы азаматтық қорғау академиясының 4 курс курсанты Оразбай Рүстем өз тәжірибесімен бөлісіп, мамандықтың жауапкершілігі мен маңызын түсіндірді.
📍 Осындай кездесулер оқушылардың кәсіби бағдарын айқындауға және болашақ мамандығын саналы таңдауға үлкен септігін тигізеді.

Ұлттық нақыш – ұлт рухы
Ш.Айманов атындағы жалпы орта білім беру мектеп-интернатының ұстаздары ұлттық құндылықтарды дәріптеу мақсатында өздеріне ерекше стильдегі этно-хит жаға тікті.
Әрбір жағада қазақ халқының бай мәдениеті мен дәстүрін айшықтайтын ою-өрнектер көрініс тауып, ұстаздардың бейнесіне сән мен мән қосты. Бұл бастама – ұлттық болмысымызды насихаттаудың, жас ұрпаққа үлгі болудың жарқын көрінісі.
Ұлттық киім – рухани мұра, ал оны дәріптеу – әрқайсымыздың парызымыз.

Құрметті Ш.Айманов атындағы жалпы орта білім беру мектеп-интернатының ардақты түлектері!
Сіздерді қасиетті қара шаңырақ-туған мектебімізден түлеп ұшқандарыңызға 5,10,15,20,25,30,35,40,45 жыл толуына орай ұйымдастырылатын мерейлі кездесу кешіне шын жүректен шақырамыз!
Күні: 25 мамыр 2026 жыл
Уақыты: 10:00
Орны: Ш.Айманов атындағы ЖОББМИ

Сіздерді асыға күтеміз!
Ізгі ниетпен, мектеп ұжымы

1ә сынып оқушыларымен 7 мамыр- Отан қорғаушылар күніне орай сынып сағаты өткізілді. Сынып жетекшісі:Зарыкхан Гульнар