Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Мектебімізде қорытынды аттестаттауға дайындық жұмыстары қарқынды түрде жүргізілуде. Оқушылардың білім сапасын арттыру мақсатында қосымша сабақтар, кеңестер және қайталау жұмыстары ұйымдастырылуда.
Әр пән бойынша жүйелі дайындық жүргізіліп, білім алушыларға жан-жақты қолдау көрсетілуде.
Негізгі мақсат – оқушылардың білімін нығайтып, емтихандарды сәтті тапсыруына мүмкіндік жасау.

“Жасыл әлемнің құпиясы” 🌿

Бүгін 8 “А” сынып оқушылары бастауыш сыныптарға қонаққа барып, “Жасыл әлемнің құпиясы” атты әсерлі танымдық көрініс ұсынды. 👏

Кішкентай бүлдіршіндер қойылымды қызыға тамашалап, табиғатты қорғау, жасыл әлемді аялау туралы маңызды мағлұматтар алды.🌱
Табиғатты сүюге, қоршаған ортаны қорғауға баулитын осындай тәрбиелік мәні зор қойылымдар алдағы уақытта да жалғасын табады.

“Таза Қазақстан” республикалық акциясы аясында мектебімізде құстарға ұя жасау акциясы ұйымдастырылды.
Табиғатты қорғау мен құстарға қамқорлық көрсету мақсатында 1”А”сынып оқушысы Қибрат Имран белсене қатысты. Өз қолдарымен құстарға арналған ұялар жасады.
Бұл акция оқушылардың табиғатқа деген сүйіспеншілігін арттырып, қоршаған ортаны қорғауға деген жауапкершілігін қалыптастыруға үлкен үлес қосады.
Табиғатты аялау – әрқайсымыздың ортақ міндетіміз!

“Ұлттық STYLE” жобасы аясында
Мектеп-интернатымызда “Ұлттық STYLE” жобасы аясында тәрбиеленушілердің қатысуымен сәукеле, тақия сияқты ұлттық бас киімдерді тігу жұмыстары ұйымдастырылды. Шараның мақсаты – оқушыларға ұлттық құндылықтарды дәріптеу, қазақ халқының дәстүрлі киім үлгілерін таныстыру және қолөнерге деген қызығушылықтарын арттыру.
Тәрбиеленушілер ұлттық нақыштағы бас киімдерді өз қолдарымен дайындап, шығармашылық қабілеттерін көрсетті. Әрбір жұмыс ұлттық ою-өрнекпен безендіріліп, ерекше стильде ұсынылды.

23 сәуір – Ұлттық кітап күніне орай 10-сынып оқушылары арасында «Цифрлық дәуір: кітаптың болашағы» тақырыбында дебат өтті. Қатысушылар кітаптың дәстүрлі және электронды түрлерінің артықшылықтарын талқылап, өз көзқарастарын дәлелдеді. Пікірталас мазмұнды өтіп, оқушылардың сыни ойлау қабілеті мен кітапқа деген қызығушылығы артты.

Ұлттық кітап күні аясында «Кітап мұқабасын жаса» атты арт-терапиялық шарасы өткізілді. Шараның басты мақсаты – оқушылардың шығармашылық ойлауын дамыту, кітапқа деген қызығушылығын арттыру және өз ойын көркем түрде жеткізе білуге баулу.
Қатысушылар өз қиялындағы кітаптың мазмұнын елестетіп, соған сай ерекше мұқабалар дайындады. Әрбір жұмыс өзіндік идеямен, тың көзқараспен ерекшеленіп, түрлі бояулар арқылы әсерлі бейнеленді. Оқушылар үшін бұл тек сурет салу ғана емес, ішкі сезімдерін шығармашылық арқылы білдірудің бір жолы болды.
Шара барысында жасалған мұқабалар көрме ретінде ұсынылып, қатысушылар бір-бірінің еңбектеріне қызығушылықпен қарап, өзара пікір алмасты. Мұндай бастамалар оқушылардың қиялын шыңдап, кітап әлеміне деген сүйіспеншілігін арттыра түседі.

“Ұлттық кітап күні” аясында ұйымдастырылған «Кітап әлемінде» атты квест шарасы оқырмандарды кітаптың ғажайып әлеміне жетелеген ерекше танымдық іс-шара болды. Қатысушылар түрлі бекеттерден өтіп, өз білімдері мен зеректіктерін сынады. Олар авторлар мен шығармаларды сәйкестендіріп, викториналық сұрақтарға жауап беріп, қызықты жұмбақтарды шешу арқылы әдебиетке деген қызығушылықтарын арттырды.
Квест барысында әр қатысушы өз мүмкіндігін көрсетіп қана қоймай, кітаптың адам өміріндегі маңызын тереңірек түсінді. Шара көңілді атмосферада өтіп, білім мен ойын ұштастырған әсерлі сәттерге толы болды. «Кітап әлемінде» квесті оқырмандарға жаңа шабыт сыйлап, кітапқа деген сүйіспеншілікті одан әрі арттыра түсті.