Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

«Өнерлінің өрісі кең» үйірмесінің тәрбиеленушілері
ҰлттықStyle жылдық жоспары аясында қаңтар айында этникалық брош жасауды меңгерді.
Шығармашылық жұмыс барысында ұлттық нақыш пен заманауи стиль үйлесім тапты.

Үйірме жетекшісі: Бопихан Кульзипа.

“Заң және тәртіп” айлығы аясында мектебіміздің оқушылары “Заң сеннен басталады” тақырыбындағы челленджге белсене қатысты.
Челлендждің басты мақсаты – оқушылардың құқықтық сауаттылығын арттыру, заңға құрметпен қарауға тәрбиелеу және әр азаматтың қоғам алдындағы жауапкершілігін сезіндіру.
Іс-шара барысында оқушылар өз ой-пікірлерін ортаға салып, заң мен тәртіптің қоғамдағы маңызын түсіндірді.
Мұндай тәрбиелік шаралар жас ұрпақтың саналы, жауапты азамат болып қалыптасуына ықпал етеді.

Баянауыл ауданы, Ш.Айманов атындағы жалпы орта білім беру мектеп-интернаты «Адал азамат” біртұтас тәрбие бағдарламасына сәйкес 6 әлеуметтік жоба негізінде жүйелі түрде жүзеге асырылуда.
«Қамқорлық» әлеуметтік жобасы
Бұл жоба аясында мейірімділік, жанашырлық, өзара көмек құндылықтарын қалыптастыруға бағытталған жұмыстар жүргізілді. Оқушылар қарттарға, көпбалалы және әлеуметтік аз қамтылған отбасыларға қолдау көрсету акцияларына қатысты. «Жақсылық жаса» челленджі, қайырымдылық жәрмеңкелері мен сенбіліктер ұйымдастырылып, оқушылардың әлеуметтік жауапкершілігі артты. «Еңбегі адал – жас өрен» жобасы
Жобаның мақсаты – еңбекқорлықты, адал еңбекті дәріптеу, мамандыққа қызығушылық қалыптастыру. Осы бағытта түрлі кәсіп иелерімен кездесулер, еңбек сабақтары, «Менің болашақ мамандығым» тақырыбында сынып сағаттары өтті.
«Smart Bala» жобасы
Жобаның шеңберінде оқушылардың зияткерлік қабілетін дамытуға басымдық берілді. «Шабыт» шығармашылық жобасы
Бұл жоба оқушылардың өнерге, шығармашылыққа деген қызығушылығын арттыруды көздейді. Әдеби-музыкалық кештер, сурет көрмелері, өлең оқу байқаулары мен қолөнер жұмыстарын таныстыру шаралары ұйымдастырылды.
«Ұшқыр ой алаңы» жобасы
Жоба оқушылардың сыни ойлау, шешендік өнер, жылдам шешім қабылдау дағдыларын қалыптастыруға бағытталды.
«Балалар кітапханасы» жобасы
Оқу мәдениетін қалыптастыру мақсатында кітап оқу сағаттары, «Бір апта – бір кітап» акциясы, кітап көрмелері өткізілді.
«Ұлттық STYlE» жобасы
Ұлттық құндылықтарды насихаттауға бағытталған бұл жоба аясында қазақтың салт-дәстүрлері, ұлттық киімдер, қолөнер, ұлттық ойындар кеңінен таныстырылды.

Қорытындылай келе мектебіміз “Адал азамат” біртұтас тәрбие бағдарламасының негізгі қағидаттарымен толық үндеседі.

Сынып жетекшілерінің тәрбие және әдістемелік жұмысты тиімді ұйымдастыруы
Қазіргі білім беру жүйесінде сынып жетекшісінің рөлі ерекше. Ол оқушының тұлғалық дамуына, әлеуметтік бейімделуіне және рухани-адамгершілік құндылықтарды қалыптастыруға тікелей ықпал етеді. Осы бағыттағы жұмыстың сапалы ұйымдастырылуы – мектептегі тәрбиенің басты көрсеткіші.
📌 Сынып жетекшісінің негізгі міндеттері:
оқушылардың тұлғалық дамуына жағдай жасау;
сыныпта қолайлы психологиялық орта қалыптастыру;
ата-анамен тығыз байланыс орнату;
оқушылардың қоғамға бейімделуіне ықпал ету.
🇰🇿 «АДАЛ АЗАМАТ» біртұтас тәрбие бағдарламасы
Бағдарламаның басты мақсаты – патриоттық рухта тәрбиеленген, білімді, жауапты әрі жасампаз ұрпақ қалыптастыру. Тәрбие жұмысы ай сайын нақты құндылықтарға негізделіп жүзеге асырылады.
🟢 Қыркүйек – еңбекқорлық және кәсіби біліктілік айы
🟢 Қазан – тәуелсіздік және отаншылдық айы
🟢 Қараша – әділдік және жауапкершілік айы
🟢 Желтоқсан – бірлік және ынтымақ айы
✨ Жүйелі, мақсатты және құндылықтарға негізделген тәрбие жұмысы – саналы, жауапты, отаншыл азамат тәрбиелеудің кепілі.

"Адал азамат" біртұтас тәрбие бағдарламасының "Заң және Тәртіп" құндылығының ІІІ апта дәйексөзі "Әділ заң - болашақ кепілі"

2-3сынып интернат тәрбиеленушілерінің бос уақытын қызықты әрі тиімді өткізу мақсатында ойлау моторикасын дамытуға арналған түрлі ойындар ойналды.
Тәрбиеші: А.О.Садыкова

Павлодар облысының білім беру басқармасы, Баянауыл ауданы білім беру бөлімінің «Ш.Айманов атындағы жалпы орта білім беру мектеп-интернаты» коммуналдық мемлекеттік мекемесіне төмендегідей бос орындарға қабылдау бойынша конкурс өткізілетінін хабарлаймыз!
математика мұғалімі(уақытша) – 1 бірлік(186000 тг)
Орналасқан жері - Баянауыл ауданы, Баянауыл ауылы, М.Шорманов к-сі, 2 үй.
Электрондық пошталық мекен-жайы: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
Телефон нөмірі–8(718)40 92518
Мерзімі – бос орын.
Кандидатқа тойылатын біліктілік талаптары:жоғары білімді, оқу пәнінің мазмұнын, оқу-тәрбие процесін ұйымдастыру, оқыту және бағалау әдістемесін білуі тиіс.
Құжаттарды қабылдау мерзімі конкурс өткізу туралы хабарландыру соңғы жарияланғаннан кейін келесі жұмыс күнінен бастап есептеледі.
Конкурсқа қатысуға ниет білдірген адам келесі құжаттарды электрондық немесе қағаз түрінде жолдайды:
1) Конкурсқа қатысу туралы өтініш;
2) Жеке басын куәландыратын құжат не цифрлық құжаттар сервисінен алынған электронды құжат (идентификация үшін);
3) Кадрларды есепке алу бойынша толтырылған жеке іс- парағы (нақты тұрғылықты мекенжайы мен байланыс телефондары көрсетілген – бар болса);
4) Педагогтердің үлгілік біліктілік сипаттамаларымен бекітілген лауазымға қойылатын біліктілік талаптарына сәйкес білімі туралы құжаттардың көшірмелері;
5) еңбек қызметін растайтын құжаттың көшірмесі (бар болса);
6) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген нысан бойынша денсаулық жағдайы туралы анықтама (Нормативтік құқықтық актілерді мемлекеттік тіркеу тізілімінде № 21579 болып тіркелген).
7) психоневрологиялық ұйымнан анықтама;
8) наркологиялық ұйымнан анықтама;
9) Ұлттық біліктілік тестілеу сертификаты (бұдан әрі – ҰБТ) немесе педагог-модератордың, педагог-сарапшының, педагог-зерттеушінің, педагог-шебердің біліктілік санатының болуы туралы куәлік (болған жағдайда)

Психологиялық қолдау - оқу жетістігінің кепілі!

Ш. Айманов атындағы мектеп-интернатының психологиялық қызметі оқушылардың оқуға деген қызығушылығын ояту және ішкі мотивациясын арттыру бағытында белсенді жұмыстар жүргізуде.
Біздің мақсатымыз – Әрбір шәкірттің бойындағы білімге деген отты жағу!
Біз не істедік?
Мотивациялық тренингтер: Жоғары сынып оқушылармен «Өз болашағың – өз қолыңда», «Жетістікке жету психологиясы», «Сәтті оқуға он қадам» тақырыптарында топтық коучингтер, тренингтер өткізілді. Бұл сабақтар балалардың мақсат қоя білу дағдыларын дамытты. Орта буын оқушыларымен «Топта жұмыс істеу дағдыларын қалыптатыруға арналған ойындар», «Коммуникативтік қабілеттерін арттыру жаттығулары», бастауыш сынып оқушыларымен «Жалқаулықты жеңуге арналған жаттығулар», «Зейінді шоғырландыруға», «Сыни ойлауды дамытуға», «Есте сақтау қабілеттерін дамытуға», «Креативті ойлауға және логиканы дамытуға», «Көшбасшылық қабілеттерін арттыруға» арналған жаттығулар мен ойындар» өткізілді.
Интерактивті ойындар: Сабаққа деген «талбетті» ашу үшін нейрожаттығулар мен зейінді шоғырландыру ойындары ұйымдастырылды.
Жеке кеңестер: Әрбір оқушының бойындағы қорқыныш пен кедергілерді анықтап, олардың өз күшіне деген сенімін нығайту үшін жеке және топтық кеңестер беріліп, қолдау көрсетілді, оқу барысында кездесетін қиындықтарды шешу жолдары қарастырылды.
Ата-аналармен жұмыс: Баланың оқуға деген құлшынысын арттырудағы отбасының рөлі туралы «Балаңызды қалай ынталандыру керек?» атты пайдалы кеңестер берілді.
Нәтижесінде: Оқушылардың оқу мотивациясын арттыру-үздіксіз және жүйелі түрде жүргізілетін жұмыс. Мектеп психологтарының тарапынан жүргізілген диагностикалық, түзету-дамыту және ағартушылық жұмыстар оқу үдерісінде жағымды әсерін тигізуде. Оқушыларымыз уақытты тиімді жоспарлауды (тайм-менеджмент), қиындықтардан қорықпауды және әрбір жаңа білімнің болашақ мамандыққа баспалдақ екенін түсінуде. Алдағы уақытта да бұл бағыттағы жұмыстар жалғасын табады.