Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

«Адал азамат» біртұтас тәрбие бағдарламасының жоспары аясында
«Ұшқыр ой алаңы» зияткерлік-ұлттық ойынының
ЕРЕЖЕСІ
Өтетін күні: 29.01.2026ж 16:00
(5–7 сынып оқушыларына арналған)
1 Жалпы ереже
1.1. «Ұшқыр ой алаңы» — ұлттық ойындар мен зияткерлік тапсырмаларға негізделген командалық сайыс.
1.2. Ойын зияткерлік-ұлттық бағыттағы тәрбиелік іс-шаралар аясында өткізіледі.
1.3. Мақсаты — оқушыларды ұлттық құндылықтарға баулу, логикалық ойлау қабілетін дамыту, ұйымшылдық пен ептілікке тәрбиелеу.
2.Қатысушылар
2.1. Ойынға 5–7 сынып оқушыларынан құралған командалар қатысады.
2.2. Әр команда 5 оқушыдан тұрады.
3.Ойын құрылымы (6 бекет)
Ойын 6 бекеттен тұрады:
1. Бес асық
2.Кім мерген?
3. Тауып көр
4. Ептілік
5. Логикалық сұрақтар
6.Арқан тартыс
Командалар бекеттерден белгіленген бағыт бойынша кезекпен өтеді.
4.Бекеттерден өту тәртібі
4.1. Әр бекетке 5 минут уақыт беріледі.
4.2. Әр бекетте жауапты жетекші немесе төреші болады.
4.3. Тапсырмалар командалық түрде орындалады.
5. Бекеттердің қысқаша ережесі
🔸 1-бекет: «Бес асық»
Командадан 1–2 ойыншы қатысады.
Белгіленген уақыт ішінде асықты дұрыс лақтырып, жинау қажет.
Дәлдік пен жылдамдық ескеріледі.
🔸 2-бекет: «Кім мерген?»
Ойыншылар нысанаға (доп, сақина, асық, т.б.) дәл тигізуі керек.
Әр дәл тигізген әрекетке балл беріледі.
Мергендік пен шапшаңдық бағаланады.
🔸 3-бекет: «Тауып көр»
Ұлттық салт-дәстүр, мақал-мәтел, жұмбақ немесе жасырын сөздер беріледі.
Команда дұрыс жауапты табуы тиіс.
Ойлау қабілеті мен тапқырлық сыналады.

«Адал азамат» біртұтас тәрбие бағдарламасы аясында
Қаңтар айындағы «Заң және тәртіп» бағыты шеңберінде мектеп парламентінің ұйымдастыруымен жоспарға сай
«Мектеп жарғысы – білім беру ұйымындағы тәртіптің негізі. Буллингтен қорған!» тақырыбында түсіндірме жұмыстары жүргізілді.
Іс-шара барысында оқушыларға мектеп жарғысының талаптары, оқушының құқықтары мен міндеттері, тәртіп сақтаудың маңыздылығы кеңінен түсіндірілді. Сонымен қатар буллингтің алдын алу, оның түрлері мен салдары, қиын жағдайға тап болғанда көмекке жүгіну жолдары туралы ақпарат берілді.

Мектебіміздің 1 «А» сынып оқушылары «Кітапхана әлеміне саяхат» тақырыбында танымдық шараға қатысты. Шара барысында оқушылар кітапханамен танысып, кішкентай оқырман ретінде қабылданды. Сонымен қатар, кітапты күтіп ұстау ережелері мен кітапханада өзін дұрыс ұстау тәртібі түсіндірілді. Бұл кездесу балалар үшін қызықты әрі пайдалы болды.

7-сынып интернат тәрбиеленушілерімен «Бақыт деген не?» атты тренинг өтті.
Тренинг барысында балалар бақытты өз ойларымен сипаттап, өмірдегі кішкентай қуаныштардың үлкен мәнге ие екенін түсінді. Жылы атмосферада өткен шара тәрбиеленушілердің жүрегіне жақсы әсер қалдырды 💛
Өткізген: Жуматова А.А.
Тәрбиеші: Мылтықбай Т.Ж.

Мектеп психологтары А.А. Жуматова, Н. Шәріп, Г.К.Молдасаринаның ұйымдастыруларымен “Жанұя жылуы” жобасы аясында ата- аналармен “Қалай келісуге болады…” тақырыбында тренинг сабағы өтті. Негізгі мақсаты: ата-аналарға балалармен қысымсыз, өзара сыйластыққа, ынтымақтастыққа және эмоционалды байланысқа негізделген тиімді қарым- қатынас дағдыларын қалыптастыру.
Тренинг барысында дискуссия, топтық жұмыс, баламен конструктивті диалог құру, тәжірибе алмасу тәсілдері қолданылды. Ата- аналар коммуникациядағы жиі кездесетін қателіктерін түсініп, құрылымды диалогтың алгоритмімен танысты, “келісу” дағдыларын тәжірибеде пысықтады.

• Интернаттың 2–3 сынып тәрбиеленушілерімен бос уақытты тиімді ұйымдастыру мақсатында ойлау мен моториканы дамытатын қызықты ойындар өткізілді.
  Тәрбиеші: А.О.Садыкова

Сапалы білім – кемел болашақ кепілі
Мектеп – тұлғаның қалыптасуындағы ең маңызды кезең. Дәл осы ортада оқушының білімге деген қызығушылығы артып, болашаққа бағыт-бағдары айқындалады. Сапалы білім беру – мектептің басты міндеті және жарқын болашақтың кепілі.
Мектептегі сапалы білімнің айқын нәтижелері:
• Білім сапасының артуы – оқушылардың оқу үлгерімі жақсарып, пәндер бойынша нақты нәтижелерге қол жеткізіледі;
• Ойлау қабілетінің дамуы – сыни, шығармашылық және логикалық ойлау дағдылары қалыптасады;
• Жеке тұлғаның қалыптасуы – жауапкершілікті, тәртіпті, өз ойын еркін жеткізе алатын оқушы тәрбиеленеді;
• Заманауи дағдылар – цифрлық сауаттылық, зерттеу және топпен жұмыс жасау қабілеттері дамиды;
• Жетістіктер мен жеңістер – олимпиадаларда, байқауларда және ғылыми жобаларда жүлделі орындар көбейеді.
Сапалы білім – оқушы жетістігінің негізі, ал білімді ұрпақ – еліміздің кемел келешегі. Әрбір сабақ, әрбір жетістік – жарқын болашаққа бастар қадам.