Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

«Заңмен достық» жобасы
Жасөспірімдер мен жастардың құқықтық сауаттылығын арттыру мақсатында мектебімізде «Заңмен достық» жобасы аясында арнайы сұхбат ұйымдастырылды.
Жоба барысында оқушылар мектеп оқушыларынан және ұстаздардан құқықтық білім, заңды сақтау, құқық пен міндет туралы пікірлерін сұрап, сұхбат алды. Бұл шара жастардың құқықтық мәдениетін қалыптастыруға, заңға деген құрметін арттыруға және қоғамдағы жауапкершілікті сезінуге бағытталды.
Сұхбатқа қатысушылар өз ойларымен бөлісіп, заңды білу – әр азаматтың міндеті екенін атап өтті.
⚖️ Заңды білу – болашаққа сенімді қадам!

Ұлыстың ұлы күні – Наурыз мейрамына орай 5 “Ә”-сыныбында «Наурыз- жыл басы” сынып сағаты өтті. Өткізген: Д.К.Шитова.

Наурыз - жаңару мен жаңғырудың мерекесі! 🌹🌹🌹 Бүгін 2 “В”, 4”Б” және 5”Б” сыныптар аралығында ерекше күн болды.Ұлттық нақышта киініп, қазақтың салт - дәстүрлерін жаңғыртып, мерекені жоғары деңгейде атап өтті

Мектебімізде оқушылардың тамақтану сапасына бақылау жүргізетін және зерделеу жұмыстарын жүзеге асыратын мектепішілік ведомствоаралық сараптамалық топ кезекті тексеріс өткізді.

Тексеру барысында дайын тағамдардың сапасы, дәмдік қасиеті, сыртқы көрінісі, температуралық режимі және санитарлық-гигиеналық талаптарға сәйкестігі мұқият қаралды.

Тексеру нәтижесінде ыстық тамақтың барлық талаптарға сай екені анықталып, ешқандай ескерту мен кемшілік тіркелмеді.

Оқушылардың дұрыс әрі қауіпсіз тамақтануы – басты назарда

Наурызнама онкүндігі аясында 18 наурыз – Ұлттық киім күні!

Бұл күн – халқымыздың бай мәдениеті мен салт-дәстүрін айшықтайтын ерекше мереке. Ұлттық киім – ата-бабамыздың талғамы мен шеберлігінің, тарихы мен болмысының айнасы. Қазақтың әрбір ою-өрнегі мен киім үлгісінде терең мән-мағына жатыр.

Осы күні баршаңызды ұлттық киім киіп, ұлттық құндылықтарымызды дәріптеуге шақырамыз! Ұлттық нақыштағы киімдерімізді мақтанышпен киіп, рухани мұрамызды бірге жаңғыртайық!

1 ә сынып оқушыларына “Ұлыстың Ұлы күні -Наурыз” тақырыбында сынып сағаты өткізілді.
Оқушылармен ұлттық салт- дәстүр және ұлттық ойындар ойнатылды. Наурыз мерекесіне сай би өлең жолдары да айтылып мерекелік көңіл күй сайланды.
Сынып жетекшісі: Зарыкхан Г.
Сынып тәрбиешісі: Манзулова Д.

Наурызнама онкүндігі аясында 17 наурыз — Шаңырақ күні 🏡
Бұл — бірлік пен отбасы құндылықтарын дәріптейтін ерекше мереке!

Осы айтулы күнге орай 2 “Ә” сыныбының оқушысы Бекболат Раянаның ата-анасы Жанатхан Бекболат пен Сержан Жаңагүл белсене қатысып, ұлттық дәстүрлерімізді насихаттауға өз үлестерін қосты.

Мұндай игі бастамалар әр шаңырақтың берекесін арттырып, қоғамдағы татулық пен сыйластықты нығайта түседі.

Баршаңызды Шаңырақ күнімен құттықтаймыз!
Әр шаңырақта қуаныш, береке және бірлік болсын! ✨