Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Қаралды: 73

Қазақстанда ғылым саласы қарқынды түрде дамып келеді. Соңғы жылдары жаңа зерттеулер, инновациялық жобалар мен жас ғалымдардың жетістіктері еселеп артқан.

Қаралды: 70

Мектебімізде 4 және 9-сынып оқушыларының білім алушылардың білім жетістіктеріне мониторингіне дайындық жұмыстары жүйелі түрде жүргізілуде.
Оқушылардың білім деңгейін арттыру, алған білімдерін пысықтау және мониторингке сапалы дайындалуын қамтамасыз ету мақсатында пән мұғалімдері тарапынан қосымша сабақтар, қайталау жұмыстары мен тест тапсырмалары ұйымдастырылуда.
Бұл жұмыстар оқушылардың білімін нығайтып, мониторингті жоғары деңгейде тапсыруына мүмкіндік береді.
✨ Білімді ұрпақ – жарқын болашақ кепілі!

Қаралды: 102

“Көшбасшылықты дамыту: стратегиялар мен құралдар” тақырыбындағы оқушылардың өзін-өзі басқару көшбасшыларына арналған білім беру қарқындылығының облыстық кезеңінде “Bayan umiti” командасы жоғары нәтиже көрсетіп, І дәрежелі дипломмен марапатталды. 🏆
Команда құрамында мектеп президенті Жанатқызы Аққу өз көшбасшылығын танытып, белсенділік пен ұйымшылдықтың үлгісін көрсетті.
Жеңімпаздарымызды шын жүректен құттықтаймыз! Алдағы уақытта да биік белестерді бағындыра берулеріне тілектеспіз. Алдағы республикалық кезеңде де сәттілік тілейміз!

Қаралды: 490

“Бәрін таста, кітап оқи баста!”
“Балалар кітапханасы” республикалық жобасы аясында мектебімізде үлкен үзілісте ерекше оқу сәті ұйымдастырылды.
Оқушылар күнделікті қарбаласты бір сәтке ысырып қойып, кітап әлеміне саяхат жасады 📖 Әр бет – жаңа ой, жаңа әсер!
📌 Шараның мақсаты – кітап оқуға деген қызығушылықты арттыру және бос уақытты тиімді пайдалану.
💡 Кітап – білімнің кілті, рухани байлықтың бастауы!

Қаралды: 73

“Таза Қазақстан” республикалық акциясы аясында мектебімізде қоқысты сұрыптау және қайта өңдеуге тапсыру жұмыстары жүргізілді. ♻️
Жиналған қалдықтар сұрыпталып, қайта өңдеуге жіберілді. Атап айтқанда, Қарағанды қаласына 410 кг картон, ал Павлодар қаласына 980 кг макулатура тапсырылды.
Қоқысты сұрыптау арқылы біз Баянауылдың әсем табиғатын ластанудан қорғауға өз үлесімізді қосып қана қоймай, экологиялық мәдениетті қалыптастырып, экономикалық пайда табуға мүмкіндік алып отырмыз. 🌿
Түскен қаржылай қаражат экологиялық апталықтың қорытындысында белсенді қатысқан оқушыларға сыйлықтар мен сертификаттар табыстауға жұмсалады.
Сонымен қатар, Қарағанды қаласына картон тапсыруға көмек көрсеткен ауданымыздың жеке кәсіпкері Ахметов Ардак Болатұлына және ата-аналарымызға мектебіміздің атынан шынайы алғысымызды білдіреміз.

Қаралды: 497

Құттықтаймыз!
Мағжан Жұмабаев шығармашылығына арналған “Мағжан оқулары” республикалық ғылыми-шығармашылық конкурсының облыстық кезеңінде мектебіміздің 10-сынып оқушысы Қайрат Бекарыс жүлделі III дәрежелі диплом иегері атанды.
Жетістікке жеткен оқушымызды және жетекшісі, мұғалімі Т.Қ. Ахатовты шын жүректен құттықтаймыз!
Жас дарынның алар асуы биік, шығармашылық табыстары мол болсын!

Қаралды: 72

Ш. Аймановтың 112 жылдығына арналған аудандық әскери-қолданбалы жарыс

Ш. Аймановтың 112 жылдық мерейтойына орай аудандық әскери-қолданбалы жарыс ұйымдастырылды. Жарысқа аудан мектептері қатысып, өзара бақ сынасты.

Жарыс қорытындысы бойынша:
• Ш. Айманов атындағы ЖОББМ – І орын
• М. Көпеев атындағы ЖОББМ – ІІ орын
• М. Әуезов атындағы ЖОББМ – ІІІ орын
• Бекмаханов атындағы ЖОББМ – ІІІ орын

Жарыс қатысушылары жоғары дайындықтарын көрсетіп, әскери-патриоттық рухтарын дәлелдеді.

Қаралды: 489

Байқаудың мақсаты: Үздік эко-сынып рейтингісін анықтап, үлгі ретінде насихаттау
Байқаудың міндеттері: Оқушыларды тазалыққа, ұқыптылыққа тәрбиелеу. Сынып бөлмесін күтіп ұстауға жауапкершілікті арттыру. Еңбекқорлық пен ұйымшылдықты дамыту. Табиғат бұрыш ұйымдастыру
Байқауға қатысушылар: Мектептің барлық сыныптары (1–11 сынып).
Байқаудың өту уақыты: 17 -сәуір 2026 жыл
Бағалау комиссиясы: Комиссия құрамында
Мектеп-интернат басшысы: Досмагамбетова С.С
Басшының шаруашылық меңгерушісі: Рахимов М.К,
Ата-аналар комитетінің төрайымы: Укубасова Г.З,
Қамқорлық кеңес төрайымы: Боканова А.А.
Биология пәнінің мұғалімдері : Адильбекова С.С, Смагулова Қ.Ы
Мектеп дәрігері: Сакенова Ф.О

Бағалау критерийлері: Әр сынып 4 бағыт бойынша бағаланады.
1. Сынып бөлмесінің тазалығы : Еден таза, жуылған . Қоқыс жоқ.Терезе алды таза , жиһаз бүлінбеген.
2.Парталардың реті : Парталар түзу орналасқан.Үстел беті таза.Оқушы заттары реттелген.
3. Тақтаның тазалығы : Сабақтан кейін тақта сүртілген.Бор қалдықтары жоқ.
4. Гүлдер мен бұрыштар: Гүлдер суарылған .Табиғат бұрышы реттелген .Сұрыптау жәшіктердің болуы тиіс.
Байқау шарттары
• Мектеп мүлкіне ұқыпты қарау
• Сынып таза, үйлесімді ұқыпты болуы
• Сынып безендіруінің эстетикалық талғамға сай болуы
• Табиғат бұрышы болу керек,сұрыптау жәшіктерінің болуы,гүлдер саны мен күтімі (6-дан кем болмауы тиіс)
Жеңімпаздарды анықтау: Байқау жеңімпаздары І,ІІ,ІІІ дәрежелі дипломдармен және алғыс хаттармен марапатталады.
І-дәрежелі диплом – «Эко сынып»
ІІ-дәрежелі диплом – «Ұқыпты сынып»
ІІІ-дәрежелі диплом – «Таза сынып»
Жауаптылар: Төлеубекова Н.М, Сейтова Ж.С /Байналыс нөмерлері- 87056400732, 87715310012/

Қаралды: 77

«Құстар – біздің досымыз» экологиялық акциясы 🐦

Интернат бастауыш тәрбиеленушілері табиғатты қорғауға бағытталған игі шараға белсене қатысты. Акцияның басты мақсаты – құстарға қамқорлық жасау, табиғатты аялау және балалардың экологиялық мәдениетін қалыптастыру.

Балалар өз қолдарымен құс ұяларын жасап, ағаштарға іліп, құстарды азықтандырды. Бұл – табиғатқа деген сүйіспеншіліктің жарқын көрінісі 💚

Табиғатты бірге қорғайық!

Қаралды: 499

Интернат тәрбиеленушілерінің бос уақытын тиімді ұйымдастыру мақсатында мектеп-интернаттың тігінші маманы Сәуле апайымызбен бірге ұлттық стильде бас киім тігу жұмыстары жүргізілді. Оқушылар өз қолдарымен тақия тігіп, оны әшекейлеу арқылы ұлттық өнерге деген қызығушылықтарын арттырды.

Бұл жұмыс балалардың шығармашылық қабілеттерін дамытып қана қоймай, ұлттық құндылықтарды дәріптеуге үлкен үлес қосты. ✨
Тәрбиешілер: Абилова Г. Мылтықбай Т.