Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области
Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области
Тәрбие беру-келешегіміздің кепілі. Ш.Айманов атындағы жалпы орта білім беру мектеп - интернатының “Даналық мектебінің” әжелер клубымен” Қызым-қызғалдағым, ұлым-ізгі арманым” атты тәрбие сағаты өтті. Тәрбие сағатына “Қазақ аналары-дәстүрге жол” республикалық қоғамдық бірлестігінің Баянауыл ауданының төрайымы Жамбы Ипатқызы, бірлестіктің белсенді мүшесі, “Даналық мектебі” әжелер төрайымы Абушахманова Алма Ғалымқызы, бірлестіктің белсенді мүшесі Жангельдина Бақыт Қанашқызы, ардагер ұстаз “НҰР -АНА” қоғамдық бірлестігінің мүшесі Назымбекова Камила Кәрібайқызы қатысты. Тәрбие сағатының мақсаты: ұл бала мен қыз баланың бойына тән тәлімдік қасиеттер, ұлттық салт-дәстүр, әдет-ғұрыптар, өзара сыйласымдылық, әдептілік қасиеттерді дамыту. Ата-бабаларымыз ұрпақ тәрбиесіне ерекше мән берген. Әсіресе қыз балаларға ”Қызға қырық үйден,қала берсе күңнен тыйым” деген мақалға қаншама философиялық ой сыйғызған. Қыз бала мен ер бала тәрбиесіне тек ата-анасы жауапты емес, бүкіл ел жауапты болғандығын Жамбы Ипатқызы ерекше атап өтті. Бала тәрбиесінің алтын қазығы -туған ұясы. “Отан-от басынан басталады”, “Ел боламын десең- бесігіңді түзе” демекші қыздарымыз құлпыра берсін,ұлдарымыз ізгі армандарымызды орындай берсін- деген тілекпен Алма Ғалымқызы өз пікірін білдірді. Оқушылар белсене қатысып, сұрақтарға жауап беріп ,ой-толғаныстарын білдірді. Сөз соңында Бақыт Қанашқызы бата берді.
«Оқуға құштар мектеп» жобасы аясында 6 сыныптар арасында «Ең үздік оқырман» байқауы өтті. Байқау екі кезеңнен өтті. 1-кезең. «Сұрақ-жауап». 2-кезең. «Үзіндіні жалғастыр» Іс-шараның қорытындысы бойынша оқушылар мадақтама мен ақшалай сетрификатқа ие болды. Демеушілер: мектеп ұстаздары
2025 жылғы 5 ақпан күні Мектебіміздің ұйымдастыруы мен және Ауыл партиясының демеушілігімен үстел теннисінен аудандық ашық турнирі өтті. Жалпы жарысқа аудан мектептері және Павлодар қаласынан "Олимп Павлодар" клубы қатысты. Жалпы 60 жуық спортшы бақтарын сынады ер балалар арасында 14 команда қатысып, ІІІ орын Д.Рахметов ат.ЖОББМ бұйырса, ІІ орын Ш.Айманов ат. ЖОББМИ иеленді. І орынды "Олимп Павлодар"клубы жеңіп алды. Қыздар арасында жас ерекшеліктері бойынша жекелей сыңға түсті. Жеңімпаздар мен жүлдегерлерді Павлодар қаласындағы Ауыл партиясы филиалы ауыл балаларын қолдау мақсатында демеушілік көрсетіп, құнды сыйлықтарын сыйға тартты. Мектебіміздің осы жарыстағы нәтижесі ұлдар командалық сайыста ІІ орын Балтабек Саян Амангелді Сұлтан Имангазин Асылан, Қыздар арасында өз жас ерекшеліктері бойынша Орал Айзере,Төлепберген Кәусар ІІІ орын, Бүркітбай Аружан ІІ орын, Төлеген Асылай І орын иеленді.
Бүгін Жаратылыстану пәндері апталығы шеңберінде Тарих күні бойынша “ Білгенге маржан” атты 5 сыныптар оқушылары арасында танымдық ойын өтті. Оқушылар ежелгі дәуір тарихына саяхат жасап, көшпенділердің суреттерін салып, тарихи тұлғалардың еңбектері жайлы ақпараттармен танысты. Жауапты ұстаздар: Р.М. Айтимова, Д.К.Опабекова
Бүгін Жаратылыстану пәндері апталығы шеңберінде Тарих күні бойынша тұңғыш тарихшы ғалым Е.Бекмахановтың 110 жылдығына орай “ Нартұлға Ермұхан Бекмахановтың тарихи тағылымы” атты 10-11 сыныптар оқушылары арасында зияткерлік сайыс өтті. Жауапты ұстаздар: Р.М. Айтимова, Д.К.Опабекова
Бүгін мектебімізге кәсіптік бағдар беру мақсатында Баянауыл ауданының қорғаныс істер бөлімінің басшысының орынбасары Макаров Нұрбол Серікұлы және Алматы қаласындағы Талғат Бигелдинов атындағы университетінің курсантты оқушылармен кездесті.
