Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Мектебіміздің 6 «Б» сынып оқушылары арасында 1 мамыр – Қазақстан халқының бірлігі күніне арналған “Бір шаңырақ астында” атты тәрбие сағаты өткізілді.

Мектебімізде оқушылардың тамақтану сапасына бақылау жасайтын және зерделеу жүргізетін мектепшілік ведомствоаралық сараптамалық топ құрамы кезекті тексеріс жүргізді. Тексеру барысында дайын тағамдардың сапасы, дәмдік қасиеті, сыртқы көрінісі, температурасы және санитарлық-гигиеналық талаптарға сәйкестігі мұқият қаралды.

Тексеру нәтижесінде ыстық тамақтың барлық талаптарға сай екені анықталып, ескертулер мен кемшіліктер тіркелмеді. Оқушылардың дұрыс әрі қауіпсіз тамақтануы – басты назарда.

Мектепалды “Ә” сынып оқушыларымен “ 1мамыр - Қазақстан халықтарының бірлігі күніне” арналған тәрбие сағаты өтті.
Өткізген сынып тәрбиешісі Б.З.Ибадуллина

Мектебімізде ата-аналар форумы жоғары деңгейде ұйымдастырылып, отбасы мен мектеп арасындағы өзара серіктестікті нығайтуға бағытталған маңызды алаңға айналды. Форумның басты мақсаты – балалардың қауіпсіз әрі табысты болашағын қамтамасыз етуде заңға құрмет, мәдени құндылықтар мен тәрбиелік жұмыстың бірлігін қалыптастыру.
Форумға ата-аналар қауымы, білім беру саласының мамандары, мектеп әкімшілігі, психологтар, дәрігерлер, құқық қорғау органдары мен төтенше жағдайлар қызметінің өкілдері қатысты.

🔹 Фойеде интерактивті аймақтар ұйымдастырылды:
– «Құқықтық навигатор»
– Пікірлер қабырғасы
– «Қауіпті заттар» көрмесі
🔹 Панельдік талқылау барысында өзекті тақырыптар қамтылды:
• Құқық бұзушылықтың алдын алу (буллинг, вандализм, коменданттық сағат)
• Физикалық және әлеуметтік қауіпсіздік
• Киберқауіпсіздік және цифрлық гигиена
• «Қауіпсіз жаз — жауапты ата-ана» бағыты
• Өрт қауіпсіздігі және төтенше жағдайдағы әрекеттер
Қатысушылар үшін алғашқы көмек мастер-классы мен эвакуациялық жаттығу өткізілді.
Ата-аналарға арнайы таратпа материалдар ұсынылып, қауіпсіздікке қатысты пайдалы нұсқаулықтар берілді.
Форум соңында қатысушылар QR-код арқылы кері байланыс беріп, іс-шараның тиімділігі.

Мектебіміздің 1 «А» сынып оқушылары арасында 1 мамыр – Қазақстан халқының бірлігі күніне арналған “Бір шаңырақ астында” атты тәрбие сағаты өткізілді.
Шараның мақсаты – оқушыларға достық, татулық, бірлік ұғымдарының маңызын түсіндіру, түрлі ұлт өкілдерінің мәдениетіне құрметпен қарауға тәрбиелеу.

«Жеңіс түстері» көркемсурет көрмесі
Ұлы Жеңіс күніне орай оқушылар арасында «Жеңіс түстері» атты көркемсурет көрмесі жарияланады.
📌 Шарты:
Қатысушылар соғыс және бейбітшілік тақырыбында салған суреттерін музейдің Instagram парақшасына немесе WhatsApp желісі арқылы
📱 8 776 818 72 84 нөміріне жібере алады.
🖼 Жіберілген жұмыстар музейдің Instagram парақшасында жарияланады.
❤️ Ең көп лайк жинаған сурет «Көрермен көзайымы» номинациясымен марапатталады.
Суреттерді қабылдау мерзімі: 6 мамырға дейін.
Барша оқушыларды белсенді қатысуға шақырамыз!

«EKOSTART» АКЦИЯСЫ
МҰРАТ БОТАЖАН БАС ЖҮЛДЕНІ ИЕЛЕНДІ
Ш. Айманов атындағы жалпы орта білім беру мектеп-интернатында «Экоbооm» жобасы аясында өткен «Ekostart» акциясы өз мәресіне жетті. Экологиялық бастаманың қорытындысы бойынша мектеп оқушысы рекордтық көрсеткішке қол жеткізіп, бас жүлдеге ие болды.
Қазіргі таңда қоршаған ортаны қорғау – жаһандық мәселе. Ал осы бағытта нақты іспен көзге түсіп, қатарластарына үлгі болып жүрген жастар Баянауыл өлкесінде де аз емес. Соның бірі – Ш. Айманов атындағы мектеп-интернаттың 8 «а» сынып оқушысы Ботажан Мұрат. Акция нәтижесі бойынша Ботажан Мұрат 600 килограмм қатты тұрмыстық қалдықты жинап, қайта өңдеуге тапсырған. Бұл көрсеткіштің басым бөлігін пайдаланылған қағаз өнімдері құрайды. Оқушының бұл еңбегі жай ғана жарыс емес, табиғатқа деген шынайы жанашырлықтың көрінісі.
– Мен қағаз, журналдар мен оқылған газеттерді оқу жылы бойы жинадым. Әрбір жиналған қағаз – табиғатты қорғауға қосқан үлесім деп қабылдадым. Осындай нәтижеге жеткеніме қуаныштымын, - дейді жас эколог.
Табандылық танытқан жеңімпазға ұйымдастырушылар тарапынан лайықты құрмет көрсетіліп, бас жүлдеге велосипед табыс етілді. Салтанатты шара барысында мектеп ұжымы бұл бастаманың оқушылар арасында экологиялық мәдениетті қалыптастырудағы маңызы зор екенін атап өтті.

ҚҰТТЫҚТАЙМЫЗ!
Мектебіміздің оқушысы Қайрат Бекарыс аудандық мүшәйрада БАС ЖҮЛДЕГЕ ие болды!
Бұл – талант пен еңбектің, шығармашылық ізденістің жарқын жеңісі!
Жетекшісі: Т.Қ. Ахатов
Жеңімпазымызға шығармашылық табыс, биік белестер тілейміз!