Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Қаралды: 91

Ш.Мұртаза "Бесеудің хаты'" сабағында оқушылар драмалық шығарманың мазмұнын сюжеттік- композициялық талдау жасауды Кейіпкердің іс-әрекетін , бейнесін де толық талдау жасады. Тарихшылар және әдебиетшілер тобы болып,шығарманың құндылығын анықтап оқырмандық баға берді. Сабақ өте жақсы деңгейде,тартымды қызықты өтті.

Қаралды: 79

Құрметті ата-аналар!

Павлодар облысында 1-сыныпқа құжаттарды қабылдау ағымдағы жылдың 18 маусымынан 31 тамызына дейін жүргізіледі.

Өтінішті 31 тамызға дейін egov.kz порталы арқылы электронды форматта беруге болады.

Білім беру ұйымында мектепалды даярлық бағдарламасын меңгеріп, осы мектепте оқуын жалғастыруға ниет білдірген балалар 1-сыныпқа автоматты түрде қабылданады.
Ал баласын басқа мектепке орналастыруды жоспарлаған ата-аналар құжаттарды жалпы белгіленген тәртіппен тапсырады.

1-сыныпқа балалар 6 жастан бастап, ата-анасының өтініші негізінде, дайындық деңгейіне қарамастан қабылданады. Биыл облыс мектептеріне 10 мыңнан астам бірінші сынып оқушысы қабылданады деп жоспарлануда.

Өтініш беру үшін қажетті құжаттар:
• ата-анасының немесе заңды өкілінің өтініші;
• №065-у және №052-2/у нысандарындағы медициналық анықтамалар.

Қаралды: 98

2 сәуір – Халықаралық балалар кітап күніне орай мектебімізде мазмұнды іс-шара өтті.

Бұл шара мектеп кітапханашысы А. Ш. Жунусовамен бірлесе ұйымдастырылып, 6 “А” сынып оқушылары белсенді қатысты. Оқушылар кітаптың маңыздылығы туралы пікір алмасып, қызықты тапсырмалар орындап, өздерінің білімдерін көрсетті.

📖 Кітап – білімнің қайнар көзі, рухани байлықтың кілті. Осындай іс-шаралар арқылы оқушылардың кітапқа деген қызығушылығын арттыру – басты мақсатымыз.
Сынып жетекшісі: А. Т. Бекенова

Қаралды: 104

Қазақ тілі мен әдебиеті пәндерінің апталық жоспарына сәйкес 7 «А» сыныбында «Оқшау сөздер» тақырыбында ашық сабақ өткізілді.
Сабақ барысында оқушылар оқшау сөздердің түрлерін меңгеріп, олардың сөйлемдегі қызметін анықтауды үйренді. Түрлі тапсырмалар арқылы оқушылар өз білімдерін көрсетіп, белсенділік танытты.
Сабақтың мақсаты – оқушылардың тілдік білімін тереңдету, сауатты сөйлеу мен дұрыс жазу дағдыларын дамыту. Ашық сабақ тартымды, мазмұнды әрі оқушылардың қызығушылығын арттыратындай деңгейде өтті.
Осындай сабақтар оқушылардың пәнге деген қызығушылығын арттырып, білімдерін нығайтуға үлкен мүмкіндік береді.

Қаралды: 75

8 «А» сыныбында қазақ әдебиеті пәнінен жазушы Тахауи Ахтановтің «Күй аңызы» әңгімесі бойынша «Сюжеттік талдау» тақырыбында ашық сабақ өтті.
Сабақ барысында оқушылар шығарманың мазмұнын талдап, оқиға желісін, композициялық құрылымын анықтады. Кейіпкерлердің іс-әрекетіне талдау жасап, өз ойларын еркін жеткізіп, шығарманың тәрбиелік мәнін түсінді. Әртүрлі әдіс-тәсілдер арқылы оқушылардың әдеби талдау дағдылары дамытылып, белсенділігі артты.
Сабақ қызықты әрі мазмұнды өтіп, оқушылар тақырыпты жақсы меңгергендерін көрсетті.
👩‍🏫 Өткізген: қазақ тілі мен әдебиеті пәнінің мұғалімі Сакенова Г.Т.

Қаралды: 83

Қауіпсіздік шаралары.
2026 жылдың 30 наурыз күні жасөспірімдер арасындағы құқықбұзушылықтың, қадағалаусыз қалудың, буллингтің, кибербуллингтің, бопсалаудың және зорлық-зомбылықтың алдын алу мақсатында ауыл көшелері бақылауға алынды.
Түнгі уақытта заңды өкілсіз жүрген жасөспірімдер анықталған жоқ, құқықбұзушылық тіркелген жоқ. Жалпы жағдай бақылауда, қауіпсіздік шаралары қамтамасыз етілді. Түнгі кезекшілік орындалды.

Қаралды: 70

1-сәуір күні мектебімізде Баянауыл ауданы ішкі саясат,мәдениет және тілдері дамыту бөлімінің ұйымдастыруымен және аудандық ақпараттық түсіндіру тобының мүшелерінің қатысуымен “Діни экстремизм идеяларының таралуына жол бермеу туралы”тақырыбында кездесу өтті. Кездесуге мектебіміздің 10-11 сынып оқушылары және ұстаздары қатысты. Баянауыл ауданы ішкі саясат, мәдениет және тілдерді дамыту бөлімінің ақпараттық түсіндіру тобының мүшесі, теолог Б.Герман “Діни экстремизмнің ұғымы мен белгілері”, “Жалған терроризм” тақырыбында ой қозғап, слайдтар мен бейнероликтар көрсетіп, ақпараттық түсіндіру жұмыстарын жүргізді.

Қаралды: 76

Қазақ тілі мен әдебиеті пәндерінің апталық жоспарына сай “Тіл тағдыры – ел тағдыры” тақырыбында дебат сайысы өтті. Іс-шараның негізгі мақсаты – оқушылардың мемлекеттік тілге деген құрметін арттыру, тілдің қоғамдағы маңызын түсіндіру, өз ойын еркін әрі дәлелді жеткізе білуге үйрету. Сонымен қатар, пікірталас мәдениетін қалыптастырып, оқушылардың сыни ойлау қабілетін дамытуға бағытталды.
Дебат барысында қатысушылар тілдің ел болашағындағы рөлі туралы өз көзқарастарын білдіріп, түрлі дәлелдер келтіріп, ойларын ортаға салды. Оқушылар белсенділік танытып, тақырыпты жан-жақты талқылап, пікір алмасу арқылы өз білімдерін көрсетті.
Осындай танымдық әрі тәрбиелік мәні зор іс-шаралар оқушылардың ана тіліне деген сүйіспеншілігін арттырып, ұлттық құндылықтарды қадірлеуге тәрбиелейді.

Өткізген: Т.Қ.Ахатов
А.Д.Шақырман

Қаралды: 76

• 1 сәуір күні 6 «А» сыныбында қазақ тілі пәнінен «Ежелгі кітапханалар» тақырыбында ашық сабақ өткізілді. Сабақты пән мұғалімдері А. Рымхан және Г.Е. Сайрамбек жүргізді.
  Сабақтың мақсаты – оқушыларға ежелгі кітапханалардың тарихы мен маңызы туралы мәлімет беру, мәтінмен жұмыс жасау арқылы тілдік дағдыларын дамыту, сондай-ақ оқушылардың танымдық қызығушылығын арттыру болды. Сабақ барысында оқушылар Ежелгі Мысыр, Александрия кітапханасы сияқты тарихи орындар туралы ақпарат алып, олардың адамзат өркениетіндегі рөлін талқылады.
  Сабақ түрлі әдіс-тәсілдермен ұйымдастырылды: топтық жұмыс, сұрақ-жауап, мәтінді талдау, шығармашылық тапсырмалар. Оқушылар белсенді қатысып, өз ойларын еркін жеткізе білді. Әсіресе, топтық тапсырмалар кезінде оқушылар бірлесе жұмыс жасап, тақырыпты тереңірек түсінуге мүмкіндік алды.
  Ашық сабақ заманауи талаптарға сай өткізіліп, көрнекі құралдар мен интерактивті әдістер тиімді қолданылды. Сабақ соңында кері байланыс жүргізіліп, оқушылар өз әсерлерімен бөлісті.
  Жалпы, ашық сабақ жоғары деңгейде өтіп, қойылған мақсаттарға қол жеткізілді.

Қаралды: 85

1 «А» сыныбында «Кітап – рухани қазына» тақырыбында тәрбие сағаты өтті. Оқушылар кітаптың адам өміріндегі маңызы туралы ой бөлісіп, білімнің қайнар көзі екенін түсінді. Балалар өздерінің сүйікті кітаптарын таныстырып, оқу мәдениетін дамытуға белсенді қатысты.\