Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Наурызнама онкүндігі аясында 18 наурыз – Ұлттық киім күні!

Бұл күн – халқымыздың бай мәдениеті мен салт-дәстүрін айшықтайтын ерекше мереке. Ұлттық киім – ата-бабамыздың талғамы мен шеберлігінің, тарихы мен болмысының айнасы. Қазақтың әрбір ою-өрнегі мен киім үлгісінде терең мән-мағына жатыр.

Осы күні баршаңызды ұлттық киім киіп, ұлттық құндылықтарымызды дәріптеуге шақырамыз! Ұлттық нақыштағы киімдерімізді мақтанышпен киіп, рухани мұрамызды бірге жаңғыртайық!

Көрісу күні – Амал мерекесі құтты болсын! 🤝

Бүгінгі көрісу күні – адамдардың бір-бірімен амандық сұрап, ақ тілектерін арнап, өкпе-ренішті ұмытып, жүректерді жақындататын ерекше күн.

Әр шаңыраққа бақ-береке, молшылық пен қуаныш тілейміз.
Дендеріңізге саулық, өмірлеріңізге шаттық, жүректеріңізге жылулық толсын!

Бір жасыңызбен! Жылымыз берекелі, ырысты болсын! 

Наурызнама онкүндігі аясында 17 наурыз — Шаңырақ күні 🏡
Бұл — бірлік пен отбасы құндылықтарын дәріптейтін ерекше мереке!

Осы айтулы күнге орай 2 “Ә” сыныбының оқушысы Бекболат Раянаның ата-анасы Жанатхан Бекболат пен Сержан Жаңагүл белсене қатысып, ұлттық дәстүрлерімізді насихаттауға өз үлестерін қосты.

Мұндай игі бастамалар әр шаңырақтың берекесін арттырып, қоғамдағы татулық пен сыйластықты нығайта түседі.

Баршаңызды Шаңырақ күнімен құттықтаймыз!
Әр шаңырақта қуаныш, береке және бірлік болсын! ✨

«Наурызнама» – жалпыұлттық онкүндігі 🌷

Ұлыстың ұлы күні – Наурыз мейрамы қарсаңында елімізде «Наурызнама» жалпыұлттық онкүндігі аталып өтеді. Бұл күндер – ұлттық дәстүрімізді жаңғыртып, бірлігімізді нығайтып, жақсылық пен ізгілікке үндейтін ерекше мерекелік кезең.

Онкүндік барысында ұлттық құндылықтарды дәріптейтін түрлі игі бастамалар, мәдени шаралар, спорттық ойындар мен тәрбиелік іс-шаралар ұйымдастырылады. Әр күннің өзіндік мәні бар, ол халқымыздың салт-дәстүрі мен рухани байлығын насихаттауға бағытталған.

Наурыз – жаңару мен жақсылықтың, татулық пен берекенің мейрамы. Осы мерекелік күндер әр шаңыраққа қуаныш, молшылық және құт-береке әкелсін!

Наурызнама онкүндігі аясында 16 наурыз-Мәдениет және салт-дәстүр күніне орай халқымыздың
«Қазақтың салт-дәстүрлері: Қырқынан шығару және Тұсау кесер» тақырыбында тәрбие сағаты өтті 🇰🇿

Оқушылар халқымыздың көнеден келе жатқан асыл мұраларымен танысып, олардың мән-мағынасын түсінді. Қырқынан шығару – сәбидің өмірге бейімделуінің алғашқы кезеңін білдірсе, тұсау кесер – баланың тәй-тәй басқан қадамына ақ жол тілеу дәстүрі.

Ұлттық құндылықтарды дәріптеу – ұрпақ тәрбиесінің негізі ✨

 Назарбаев Университетінде ашық дәріс өтті

Nazarbayev University Жоғары мемлекеттік саясат мектебінің алаңында ҚР Оқу-ағарту министрі Жұлдыз Сүлейменова қатысуымен «Жасанды интеллект дәуіріндегі білім беру жүйесін трансформациялау» тақырыбында ашық дәріс өтті.

Дәріс барысында жас ғалымдар мен магистранттар орта білім беру саласындағы мемлекеттік саясаттың басым бағыттары мен қазіргі білім беру үрдістері туралы министрмен еркін пікір алмасып, өзекті мәселелерді талқылады.

Министр білім беру жүйесін жаңғыртудағы конституциялық реформалардың маңызын атап өтіп, бастауыш және орта білімнің міндеттілігі елдің болашақ дамуы үшін маңызды екенін айтты.

Сонымен қатар, Мемлекет басшысы Қасым-Жомарт Тоқаев бастамасымен жүзеге асырылып жатқан «Қазақстан балалары» тұжырымдамасы, «Келешек мектептері» ұлттық жобасы және білім беру саласын цифрландыру бағытындағы бастамалар туралы айтылды.

Бүгінде «Qazaq Digital Mektebi», «QazTech» жобалары арқылы оқушылардың цифрлық білім беру траекториясы қалыптасып келеді. Ал «ChatGPT Edu» жобасы аясында 200 мыңнан астам мұғалім жасанды интеллект құралдарын меңгеріп, өздерінің ЖИ-ассистенттерін құруға мүмкіндік алады.

Дәріс соңында жас ғалымдар жасанды интеллект этикасы, мектепке дейінгі білім сапасы және оқулықтарды жаңарту мәселелері бойынша сұрақтар қойып, ұсыныстарын білдірді.

✨ Министр ғылыми қауымдастықты білім беру реформаларын бірге дамытуға шақырды.

Бүгін мектебіміз үшін маңызды әрі тағылымы мол тарихи сәттердің бірі орын алды. «Мектепке тағзым» игі дәстүрі аясында білім ордамызда ұзақ жылдар бойы шәкірт тәрбиелеп, саналы ғұмырын ұстаздық қызметке арнаған ардагер ұстаз Марқама Тағайқызы Тағаеваның есіміне арналған «Математика» кабинетінің ашылу салтанаты өтті.
Бұл игі бастама – ұрпақтарының ардақты анаға, аяулы ұстазға деген құрметі мен туған мектепке деген шынайы тағзымының жарқын көрінісі. Ұстаз есімін мәңгі есте қалдыру, оның еңбегін жас ұрпаққа үлгі ету мақсатында ашылған жаңа кабинет – білім мен тәрбиенің ордасына айналары сөзсіз.
Сонымен қатар, кабинет заманауи құралдармен толықтырылып, интербелсенді панель, ноутбук және принтер сыйға тартылды. Бұл – білім алушылардың сапалы білім алуына, заманауи технологияларды пайдалана отырып сабақ өткізуге жасалған үлкен қолдау.
Салтанатты шара барысында Тағаева Марқама Тағайқызы атындағы «Математика» кабинетінің тұсаукесер лентасын қию құрметі мектебіміздің ардагер ұстазы Рымтай Капарқызы Алдамбековаға және мектебіміздің үздік аттестатқа үміткер оқушысы Мұхтарова Тоғжанға берілді. Бұл сәт шараға қатысушылар үшін ерекше толқынысқа толы, мәні терең сәттердің бірі болды.
Іс-шараның қорытынды сөзінде Марқама Тағайқызының ұлы Молдабаев Қаныш Тәңірбергенұлы мен келіні Мукушева Айтжамал Тұрсынқызы сөз алып, анасының ұстаздық жолы, адамгершілік қасиеттері мен шәкірт тәрбиелеудегі еңбегі туралы жүрекжарды лебіздерін білдірді.
Осындай игі істер арқылы ұстазға деген құрмет пен мектепке тағзым дәстүрі жалғасын тауып, ұрпақтар сабақтастығының жарқын үлгісі көрініс табуда. Жаңа ашылған кабинет талай шәкірттің білім жолындағы үлкен жетістіктеріне бастау болсын!

ЖЕТІСТІК!

2026 жылғы 10–12 наурыз күндері Екібастұз қаласында өткен үстел теннисінен XIII жазғы Қазақстан оқушылары гимназиадасында 10-сынып оқушысы Балтабек Іңкәр Павлодар облысының U-17 құрамасы сапында өнер көрсетіп, жүлделі ІІІ орын иеленді 🥉
Жаттықтырушысы: Салыков А.
Жас спортшымызды жеңісімен шын жүректен құттықтаймыз!
Алдағы жарыстарда да биік белестерді бағындыруына тілектеспіз!