Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Мектеп Парламенті: “Есірткі — ғасыр дерті” ақпараттық шарасы
Бүгін мектеп парламенті оқушылар арасында “Есірткі — ғасыр дерті” тақырыбында ақпараттық түсіндіру жұмысын жүргізді.
Шараның мақсаты:
Оқушыларға есірткінің адам өміріне, денсаулығына және болашағына тигізетін зиянды әсерлері туралы жан-жақты ақпарат беру;
Жастар арасында дұрыс өмір салтын насихаттау;
Қауіпті әрекеттерден аулақ болып, саналы таңдау жасауға бағыттау;
Есірткіге қарсы қоғамдық жауапкершілік пен көзқарас қалыптастыру.

Шара жасөспірімдерге өз денсаулығы мен болашағына жауапты қарауға үндеді.

Мемлекет басшысы Қасым-Жомарт Тоқаевтың бастамасымен білім саласында ауқымды реформалар жүзеге асырылуда, оның ішінде «Келешек мектептері» ұлттық жобасы аясында 217 заманауи мектепте 460 мың оқушы сапалы біліммен қамтылады. Бұл туралы ҚР Оқу-ағарту министрі Жұлдыз Сүлейменова «Адал білім – адал ұрпақ» республикалық форумында атап өтті

https://t.me/oqu_agartu/18461

Мектеп-интернатының 4-5 сынып тәрбиеленушілерімен «Халық қаһарманы, жазушы Бауыржан Момышұлының туғанына 115 жыл» атты тәрбие сағаты өтті.
Тәрбиешілері: Ж.С.Сейтова, Б.Б.Айнагулова.

8,9,11 сынып тәрбиеленушілерімен “Тәуелсіздік тұғыры” тақырыбында тәрбие сағаты өткізілді.
Мақсаты: Еліміздің тәуелсіздік алу жолындағы ата-бабаларымыздың ерлігін паш ету, тәрбиеленушілерге желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету.
Өткізген: Г.Б. Абилова, Ж.Т.Садакова, Ш.Н.Фаменова

10 «А» сыныбында химия және биология пәндерінен “Абсорбция және реабсорция” тақырыбында интеграцияланған сабақ өтті.
Сабақ барысында оқушылар абсорбцияның химиялық тұрғыдан жүру механизмін және реабсорбцияның биологиялық маңызын салыстыра отырып талдады. Пәнаралық байланыс негізінде оқушылар бөлу және сіңіру процестерінің ағзадағы рөлін терең түсінді.
Практикалық бөлімде тәжірибелер жүргізіліп, оқушылар теориялық білімдерін қолдану мүмкіндігіне ие болды. Интеграцияланған сабақ оқушылардың ғылыми көзқарасын кеңейтіп, пәндер арасындағы байланысты түсінуге ықпал етті.
Сабақты өткізген пән мұғалімдері:
Смагулова Қ.Ы.
Адилбекова С.С.

Бүгін 8 «Ә» сыныбында физика пәнінен Lesson Study әдісі бойынша зерттеу тобы сабаққа қатысты. Зерттеу жұмысының мақсаты – оқушылардың пәнге деген қызығушылығын арттыру, күрделі ұғымдарды түсіндіруде тиімді оқыту тәсілдерін анықтау және оқушылардың оқу жетістіктерін бақылау. Сабақ барысында зерттеу тобы бақылау парақтары арқылы оқушылардың әрекеттерін, ынтымақтастығын және тапсырмаларды орындау динамикасын қадағалады. Алынған деректер келесі отырыста талданып, мұғалімнің оқыту тәжірибесін жетілдіруге ұсыныстар ретінде қарастырылады.

Қолайсыз ауа-райына байланысты 2025 жылдың 10 желтоқсан күні Баянауыл ауданының барлық мектептерінде мектепалды даярлық сыныптары мен 1–9 сыныптары қашықтықтан оқыту форматына ауыстырылды. Оқушыларды тасымалдау уақытша тоқтатылды.