Павлодар облысының білім беру басқармасы, Баянауыл ауданы білім беру бөлімінің "Ш. Айманов атындағы жалпы орта білім беру мектеп-интернаты" КММ
КГУ "Средняя общеобразовательная школа-интернат имени Ш.Айманова" отдела образования Баянаульского района, управления образования Павлодарской области

Мектебіміздің оқушыларының қауіпсіздігін сақтау және түнгі уақытта жасөспірімдер арасындағы құқықбұзушылықтың алдын алу мақсатында ауыл көшелеріне бақылау жасалып, түнгі кезекшілік рейд жүргізілді.

Наурызнама онкүндігі аясында 20 наурыз – Ұлттық ойындар күніне орай 6-сыныптар арасында ұлттық ойындар сайысы өтті 🇰🇿

Оқушылар қазақтың дәстүрлі ойындарын ойнап, өздерінің ептілігі мен шапшаңдығын, ұйымшылдығын көрсетті.
Ұлттық құндылықтарды дәріптеген бұл сайыс ерекше көңіл-күй сыйлады ✨

Құқық бұзушылықтың алдын алу мақсатында рейд жұмыстары жүргізілді.
Рейдтің негізгі мақсаты- оқушылар және жасөспірімдер арасында қылмыс пен құқық бұзушылықтың алдын-алу және кешкі мезгілде жасөспірімдердің ата-анасының қарауынсыз жүрмеуін қадағалау.

Көктемгі демалысты кітаппен өткізейік! 🌸

Құрметті мектебіміздің оқырмандары!
Сіздерді «Әдебиет әлемінде – Көктем самалы» атты кітап оқу челленджіне қатысуға шақырамыз.

📖 Демалыс күндеріңізді мазмұнды әрі пайдалы өткізіп, кітап арқылы жаңа әлемдерді бірге ашайық!
✨ Ой-өрісімізді кеңейтіп, рухани байлығымызды арттырайық!

Ұлыстың ұлы күні – Әз Наурыз құтты болсын! 🌷
Шәкен Айманов атындағы жалпы орта білім беру мектеп-интернатының басшысы мен мектеп оқушылары баршаңызды Ұлыстың ұлы күні – Әз Наурыз мерекесімен шын жүректен құттықтайды!
Наурыз – жаңару мен жақсылықтың, береке мен бірліктің мерекесі. Бұл күні әр шаңыраққа қуаныш, әр отбасына бақыт пен молшылық тілейміз.
Ақ мол болсын!
Ырыс-береке арта берсін!
Еліміз аман, жұртымыз тыныш болсын!
Ұлыс оң болсын,
Ақ мол болсын! 🌿

«Әз Наурыз» атты тәрбие сағаты өтті 🌿

Мектепалды даярлық «А» сыныбында «Әз Наурыз» тақырыбында тәрбие сағаты ұйымдастырылды. Шара барысында бүлдіршіндер қазақ халқының салт-дәстүрлері мен ұлттық құндылықтары туралы мағлұмат алып, мерекенің мән-маңызын түсінді.

Балалар ән айтып, тақпақтар оқып, ұлттық ойындар ойнап, Наурыз мерекесінің көркін аша түсті.

Тәрбие сағатының мақсаты – жас ұрпақтың бойына ұлттық рух пен дәстүрге деген құрметті қалыптастыру.

👩‍🏫 Тәрбиешісі: Мусабекова Т.Т.

🌸 Ұлыстың ұлы күні құтты болсын! 🌸

21 наурыз — Ынтымақ күні ❤️

Бұл күн — жүректерді жақындатып, адамдарды бір мақсатқа біріктіретін ерекше мереке.
Ынтымақ бар жерде — береке бар,
Бірлік бар жерде — тірлік бар ✨

Әр шаңыраққа татулық,
Әр жүрекке жылулық сыйлайтын осы күнде
еліміздің бірлігі нығайып, достығымыз арта берсін! 🤝

Бірлігіміз бекем,
Ынтымағымыз жарассын!

 2 «А» сыныбында Ұлыстың ұлы күні – Наурыз мерекесі аталып өтті! 🌸

Оқушылар ұлттық дәстүрлермен танысып, ән айтып, би билеп, қазақ халқының салт-дәстүрлерін дәріптеді.
Мереке барысында балалар бір-біріне жылы тілектер айтып, көктемнің шуақты көңіл-күйін сезінді.

Наурыз – жаңару мен жақсылықтың бастауы!
Баршаңызға береке, бірлік, молшылық тілейміз! 🌿